طقس
مسلسلات
اغاني
محلي

زجل عوامل تربوية اقتصادية سلوكية تُؤدّي إلى العنف بقلم:اسماء طنوس المكر

لمّا البيت ما فيه أمـان ___لا حُضنَ ولا إحتِـواء

ودوم عايشين بالحرمان___ ما بيلاقوا الاكتـفاء

كيف الوَضِع راح يصير__ يَأس وذُل وإنـفـجـار

وِالبيت ال ناقصُه تدبير___ وأهِل مالـهُــم اقتِـدار

والوضِع صعب وعسير___سَبَّب هَـرَب منِ الدّار

والجوعِ كان إلُه تـأثـير ___لاقوا بالسِّرقـه الدّواء

____________________________

واللّي ساءَت أخـلاقُـه ___صار العنف هُوَّالأساس

وطَعم القَـتلِ بمَـذاقُـه ___ لَجَأ لِاطلاقِ الرّصاص

وضميرُه ياللّي ساقُه ___ كان مَيِّت بِلا إحـسـاس

بهالمصيرِ اللّي لاقُه ___ اختَـلّ العقـل بلا شـفـاء

____________________________

وِالجرايِم عَم تِـزداد ___ لا سائـل ولا مـســؤول

لا تأثير ولا ارتـداد ___ وِالمُجـرم بَرّا بيـجــول

وِالضّحايا بِازديـاد ___ هذا الوضِع مِش مَعقول

وينا الشُّرطه بِالِبلاد ___ تَنِخـلَــص من هَالـبَـلاء

كلمات دلالية
رمضان 2021

عنوان: الناصرة
ص.ب 430 / 16000

هاتف: 046558000

فاكس: 046569887 / 046461812

البريد الإلكتروني: alarab@alarab.com