وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:   

السلام عليكم

انا مرا عمري صار 30 سني متجوزي وعندي 3 بنات حلوات الله يحميهم, غلطي بهاي الدنيا هو انو تجوزت وقت كان عمري 18 سني ما بعرف اشي عن الحياه ولا اشتغلت ولا تعلمت ولا عملت ايا اشي عشان حالي وشخصيتي وحياتي....... كل همي بالحياه كان جوزي وبناتي واللهي بحطهم بعيوني بس بصراحه انا بعرف اني عم بخسر كتير بحياتي وحابي انطلق واجرب اشي جديد اتعلم موضوع الي اقدر اشتغل فيو بس خايفي اتركهم واصير التهي عنهم! عيلة زوجي معارضين لانو المرا ما الها غير بيتها وجوزها وصارو عم يعبو راس جوزي عليي وصار يحكيلي شو بدك بهاشغلي اسا اهتمي ببناتك!! كيف بقدر اغيرلو تفكيرو ولا لازم انا اتنازل عن هيك فكرا واهتم بالبيت وبس!!!!

صورة توضيحية