ما حدا بيعبّي

(مع الاعتذار للسيّدة ماجدة الرّومي)

ما حَدا بيعبّي  مَطرحَك بقلبي
غيرَك يا حبيبي ، إلهي وربّي
يا زارع كرومي غُفران ومحبّي
 وملوّن حياتي ومنوّر لي دَربي

خذني بطَريقَك عَ الديرة البعيدي
واشرُد بروحي بغفلة سعيدي
أنا مِن غيرَك هالجبْلة العنيدي
لا فَرحة بقلبي ولا سني جْديدي

فُستاني المطرّز لبستو على شانَك
وقلبي هالمعطّر بيستنّى حَنانَك
يا ربيّ المْصوَّر بحُسنَك وجلالَك
طيّرني عصفورة تمرَح ببستانَك