فتاة حائرة: اشعر انني خائنة

وصلت الى موقع العرب رسالة من صبية تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

مرحبا.. انا عندي مشكله بتمنى من كل المعقبين يساعدوني الاقي حل. انا كنت بعلاقه مع شب بيتعلم معي بس لعدة اسباب اتضحلي انه صعب يكون نصيب بينا لهيك تركنا بعد بفتره صغيره كان في شب بيحبني من فتره من وقت ما كنا بالمدرسه وانا مكنتش معبرته وهو كتير حاول معي وهو كثير جدي وبده يودي اهله يخطبوني واهله عارفين بالموضوع من زمان بس انا مش موافقه لانه هو اسا سافر ليتعلم وانا اسا بحكي معه بس اغلب الوقت بحاول اعمل مشاكل حتى منحكيش مش عارفه ليش هيك بعمل مع اني بحياتي مش رح الاقي شب يحبني قده هو من جيلي ويمكن لهيك شاعره اني مش رح اقدر اتفاهم معه مع انه بيعملي شو بدي وبزعلنيش مرات بفكر انه انا بحكي معه بس عشان انسى الاول وبهيك بشعر حالي ظالمته لاني اول حب بحياته عنجد بشعر حالي خاينه اني كنت بعلاقه من قبله وهو مخلص لالي مش عارفه شو احكي بس كتير متحيره بتصرف تصرفات بقنع حالي انها صح بدور عالمشاكل بينا مع انه بستاهلش مني هيك ومش عارفه شو السبب اسا هو بحكيلي بدي اخلص سنه اولى تعليم واجي اخطبك بس انا بحكيله لا لما تخلص تعليم وترجع علبلاد بنحكي بالموضوع انا مش فاهمه حالي يا ريت تساعدوني وتدلوني شو اعمل وكيف اتصرف وشكرا الكم بتمنى اكون قدرت اعبر عن قصتي وشكرا لاحلى موقع واحلى معقبين

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على: alarab@alarab.co.il