زجل شِدّ الهِمِّه

زجل شِدّ الهِمِّه – بقلم أسماء طنوس المكر__               
الرَّخـاوِه  مـا بْـتِـنـفـع --- عَليك تْشِدِّ الهِـمـِّه 
عٌمر الكسل ما بيِرفع --- الجِدِّ طريقٌه القِمِّـه  
__________________________ 
لا تُقعُد تُنـدُب حَظَّـك ---لا تْحُطِّ الفشَل بْدَربَك   
حُطِّ الهَـدَف قُـدّامَــك --- أُنفُـض عَنَّـكِ الغَمـِّـه  
__________________________  
لا تِستَسلِـم لِلأوهـام --- خَـلِّ عيـونَـك لَـقٌــدّام 
راح بِتحقِّقِ الأحلام --- وِتْلاقي أكبَـر نِـعـمِـة 
__________________________ 
لا تْخَلِّ حَدا يِخزيك ---لا يْدورِ بعقلك يِنهيك  
إنتَ قَرِّر شـو بَـدَّك --- راح تِضحكلَكِ البسمِه 
___________________________ 
حُطِّ الخُطوِه بِلا رْجوع--- إمشِ تَمِّمِ المشروع 
ضَوِّ لِرَبَّـكِ شـمـوع    --- راح بِتحَقِّـقِ الحِـلـمِ