علاقتي مع حبيبي تعدت ابعد الحدود

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

علاقتي مع حبيبي تعدت ابعد الحدود .... مسا الخير للجميع ...انا فتاه من الشمال عمري 19 سنه حابة اعرض مشكلتي بركي لئيت الها حل بس من ناحية تانيه عارفه حلها بس مش عارفه حالي شو اعمل...  حبيت شاب وصلي بعرفو تلات سنين يعني لو بدي احكيلكوا اديش بحبو وبحبني ما بتصدقوا بس مش هاي مشكلتي مشكلتي انو غلطت معو واعطيتو اشي الي مش لازم اعطي ايا الا بالحلال يعني بالعربي من كتير حبي الو وثقتي فيو فاهمين من بوسه الى علاقة جنسيه بس مش كامله المهم اسمها علاقة جنسية وبديت المشاكل بيني وبينو على اساس هدا الشي هو بقلي صدقيني ادا انا اخدت منك هدا الاشي بس لاني بحبك وانا عارفه ومتأكده من هدا الشي وانا عارفه انو العلاقة الجنسية مش رمز للحب عالعكس بس هدا الي صار معنا صلنا تقريبا اقل من سنه منعمل هدا الشي بس لحديت مخلص عنجد وصلت لدرجه انو قرفت من حالي طلعت وين ثقت اهلي والعالم والي حولي فيني واولا واخرا يعني عاملي لكل العالم حساب ومش عاملي لربي حساب هيك صرت شوف فحكتلو اول اشي كان بصعوبي خيرتو بيني وبين هدا الاشي انا كنت متوقعه يختارو لغريزتو بس اختارني انا ووصلنا لحل وسط برضو مش مناسب بس اهون وقلت انا شوي شوي راح قيم هدا الاشي مش مره وحده باخدو زي مأعطيتو وهيك مضيت الايام بهدا الشي اسا هل كمل هيك شوي شوي اقيمو ولا كيف؟؟وتنسوش انو انا بدي ايا ومعني فيو كتير وهو كمان وانشالله هو بدي اسا يبلش يعمر بدو شي سنه وشوي تنو يخلص انا صابره عليه.. كل خطوه بخطيها بفكر فيها من ناحيه دنيه بس بهاي النقطه الي حكتلكم اياها مش عارفه شو اسوي اقيمها بدي حلول هل انا ماشي هيك بسيدر ولا كيف؟؟؟؟....بس لكل المعقبين تنزلوش ملك الشرف على كل واحد فيكوا اسا لانو بالنسبه الي انا بضل شريفه مهما اعمل بس غلطه وغلطتها وعم أحلها شوي شوي وكل واحد بحب من قلبو صدقوني راح يوقع بهيك فخ صدقوني انا كنت اقول لا مستحيل وابصر ايش لحديت ما بطلت اقول شي بس سكتت ووهاي قصتي وبدون استهزاء شكرا..