شاب: حبيبتي انا مستعد ان اموت لأجلك

 وصلت الى موقع العرب رسالة من شاب يطلب ارشاد ونصيحة زوار موقع العرب الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
مرحبا لزوار موقع العرب ..انا شاب عمري 19 سنة .. دايما بس كنت فوت على هالزواية واقرا مشاكل المراهقين كنت اضحك عليهون .. بس من 3 شهور صرت اعرف وحس فيهون لاني عم حس باللي عم بحسوا ولو انو مشكلتي غير شوي عن مشاكلهن .. انا مشكلتي اني بعشق حبيبتي عشق ما صار ولا رح يصير .. وهي بتحبني كمان .. بس يوم يوم مشاكل على اشياء تافهة .. وحتى انها اوقات بتضل تئلي اني كنت مع كتير بنات قبلها يعني بتفكر حالها انها متل اللي كانوا قبلها .. مع انها غير عنون كلوون .. لان كل العلاقات الي كانوا قبلها كانوا علاقات مراهقة وولدنة .. وانا صريح معها لدرجة كتير كبيرة بس اوقات بندم على اني صريح وعلى اني حكيتلها اني كنت بكتير علاقات قبلها .. ساعدوني كيف بدي اثبتلها انها الحب الاول بحياتي وانو كل اللي قبلها كان مجرد نزوة عابرة يعني كل واحد بجيل المراهقة كان يحب كل بنت حلوة بشوفها ما في اي شاب ما كان الو علاقات قبل الحب الحقيقي ما يجي .. بس هي عطول بتتذكر هالشي وبتدايئ وبتدايئني معها ..المشكلة انها بتعترف انها غلطانة ومع هيك تاني يوم بترجع لنفس القصة ومنرجع لنفس المسلسل .. يعني باليوم يللي ما منتخانق في صرت حسه يوم مش عادي .. بكفي انو نحنا بعاد عن بعض ومنشوف بعض كل كم اسبوع مرة .. يعني فوق عذابي بتزيد عذاب اكتر .. بحبك 000.
يا احلى بنت عرفتا بالكون كلو .. لاحلى بنت عذبتني ودوئتني جنون الحب ودموع وفرحة الحب .. لاحلى بنت فضلتا عن روحي وعن حالي وعن كل الدنيا .. مهما صار ومهما يصير انتي حبي الاول والاخير .. كل اللي كان قبلك كان وهم ما كان حب .. الحب لما شفتك ولما تعرفت عليكي حسيت شو يعني وشو تفسير هالكلمة يللي كنت مفكرها كلمة بتنقال .. بس طلعت اصعب كلمة بكل الدنيا اصعب من انو تنكتب على ورقة او تنحكى .. بحبك يعني مستعد موت على شانك وعيش على شانك وضل حدك عطول .. حياتي 000 ادام كل العالم رح الك اني بحبك اكتر من حالي واكتر من الدنيا كلها بطولها وبعرضها .. ما تخلي اشياء تافهة تدمر علاقتنا

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il