أحبه ولكن ........

وصلت الى موقع العرب رسالة من شاب يطلب ارشاد ونصيحة زوار موقع العرب الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
الى زوار موقع العرب الكرام مرحبا انا بنت من الشمال عمري 16 سنة زي كل البنات بحب اقعد قبال المحشيف واحكي على الايميل وادردش مرة حكيت مع شب هو من جيلي كزبت علية ما قلتلو اسمي الحقيقي ولا وين عايشة ولا اشي كنت اكزب علية في كل اشي باختصار كنت عم بتسلى بس وصلت لدرجة انو هو تعلق فيني وصار بدو يجي على بلدي وبدو يشوفني حتى انو بعتلي كل صورو حبني كتير كتير وانا بعرف انو مش رح اكون لالو مستحيل ( نختلف في الديانات ) ومستحيل اتخلى عن ديانتي وهلء هو تعلق فيني كتير وانا صرت احبو بعد ما كزبت علية ومش عارفة كيف بدي اقلو الحقيقة واللة ندمانة وما كان هدفي انو اخلي يحبني وهلء مش عارفة كيف اقلو الحقيقة لاني كزبت علية وقبل بفترة كان في البلد اللي انا منها (البلد المزيفة ) حتى انو حاول يسال عن اسمي المزيف انا شفقانة علية وعلى حالي بتمنى تساعدوني على اني اجد طريقة وبدون استهزاء واعتذر لاني طولت عليكوو سلامم للجميع.

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il.
كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية والالفاظ البذيئة.