حياتي ممله كلها عذاب بعذاب

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

أنا فكرت كثير قبل مقرر انو انشر مشكلتي في هاي الزاويه... أنا  بنت  عمري 20 سنه درزيه مش مهم من وين... أنا من أول مخلقت ولمشاكل  ولهموم زاي خيالي بس الحمدالله ولا مره غلطت باشي لسمحالله  وان كان هذا قدري انا راضيه في شو مكان  .... وأنا صغيره أهلي كانوا يفرقوا بيني وبين كل خواني بعرفش لي وأبوي كان يضربني وأمي بتعملش اشي  وبعرفش لي بس إلي  يعني اللي بعرفو انو كثير اتاذيت منون لدرجة انو اكرهون وبعدين بقول بضلو أهلي بس أنا وصلت لدرجه انو بحس حالي وحيده بالبيت  اصعب اشي انك تحس حالك مظلوم ومحروم من ابسط حقوقك وانك اللي ظلموك هاني اقرب المفروض يكونو اقرب الناس الك عيلتك واهلك... خواتي بس لما بدن اشي  بيجو بيحكو معي...... عشت طفولة قاسيه ومره.... يمكن بيتقولو انو انا عام بالغ بس وحياة الله انو حقيقة ولسه في كثير اشياء بتجرح حتى لو كلام.... حتى صحاب حقيقيين فش عندي... عندي كثير معارف وصحاب بس حقيقيين واللي عنجد بحبوك للآسف فش وبتوقعش ألاقي... واصلن أنا تعودت عالوحده.... حتى حبيب فش ... انا عمري 20 سنه ومره وحده حبيت بس طلع خاين ومن يوميتا وأنا ضد انو أحب مره ثانيه ( في شباب منيحه ) بس بعرفش كل شب ببعتلي بخاف انو يطلع كذاب وخاين  بخاف انو أنصدم منو وأنا مش ناقصني صدمات لاني زهقانه ......... انا كل ليله ببكي بس برجع بقول محداش بيستاهل انا مش بحاجة حدا بس الحياه هيك متعبه وحياتي روتينننننن ...
يمكن تقولي عني بعرفش شو بس أنا إمرار بفكر انو يا ريت  لو بلاقي شب أحبو ويحبني ونعيش لحلنا بدون حدا ولا أهل ولا صحاب ولا قرايب....... بس بعدين بقول انو هذا اشي مستحيل.... يا ربي انا كل الطالبيتو منك انو الاقي حدا يحترمني ويحبني ويخلصني من هالعذاب اللي انا في..... انا بالبيت محداش بيحبني كلن ضدي.... بس لما بدن مني اشي بيجو بيحكو معي وبيتقربو مني بس ولله تعبت ومليتتتتتتتتت حياتي ممله فياش اشي ولا صحاب ولا حبايب ولا قرايب ولا شغل ولا اشي   ... معنديش حدا.... وحيده عندي بس الهم ولغم  ولتعتير ولشقى ولبكي يا رب صبرني انا بكره حياتي .... بعرفش لي في ناس من اول بمتخلق وهي تتعذب ويمكن بس الموت يوقف هذا العذاب يا ريت لو فيني أروح على محل معرفش حدا فيو ولا حدا يعرفني يا ريتتتت ....... أسفه انو طولت عليكو وبتمنى من موقع المحترم ينشر بسرعة لأني بطلت اقدر أتحمل واصبر......

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.