احببته كتيرا لكنه لم يفهمني وابتعد

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

الرسالة هي التالية:

مرحبا لاحلى موقع ما لئيت حدا لحتى يسمعني ويسمع مشاكلي ويلائيلي حل غيركو مشاكلي هيي هيك
انا بنت وحيده لاهلي والي صاحبه النا مع بعض 10 سنين بس هيي حياتها شباب تلبس وتشتغل وتعيش حياتها هيي فانا لا اللبس وهدا الحكي عندي تانوي.
وكل وحده بيصير معها ومع اهلها مشاكل يعني بسيطه واشياء تافهه فكنت احكيلها فهيي فكرت انو اهلي ضاغطين عليي وانهن هن بيئررو عني وانو ما الي شخصيه ادامهن وهيك فبحب ائلها انو هالتفكير غلط 
المهم هيي مشيت مع شباب كتيره ولبسها مش كل هالئد فاهلي بدهنش ياني امشي معها من زمان بس ما رديت عليهن ضلينا صحبه وهيك وحتى انهن كانو شباب يئولو لعمي ما تخليها تمشي مع هالبنت انا ما رديت
بيوم ئلتلي بدي اعرفك على شب اتعرفت عليه وما اغباني ما فكرت لادام وانا بصراحه بنت مش زي هاي البنات يعني حياتي كلها بيت بيت وتعليمي وهيك
المهم صارت مشاكل بيني وبينو وانا خبيت عليه اشياء كتيره يعني في اشياء هو ما بعرفها عني
وانا بصراحه جرحتو ما بعرف ليه مع انو  حبي الاول في حياتي خبيت عنو انو حبيبي الاول وخبيت انو كانت صاحبتي توصل حكي لصاحبها وخبيت كتير اشياء عنو لانو ما بدي حدا يحكي على صاحبتي
فكنت حابه اوصلو حكي بس كنت اطلب من صاحبتي تئولو اني بدي احكي معو كنت خايفه ازا احكي معاه يئولي لا لاني جرحتو فاخد عني فكره اني بنت صغيره وبعرفش اتصرف وهوي اخد عني فكره كتير غلط عني بس والله هوي ما بيعرف الحكي
ولما صارت المشاكل وصرت اخبي عليه حكي فكر كمان انو عئلي صغير وانو ما بعرف اتصرف وانا اكدت على هدا الاشي فكرت انو يئبل ييجي يفهمني وئلتلو انو انا مش متل البنات يعني ما صاحبتي اتعرفت بحياتها على كتير شباب وصاحبها ما بيعرف يعني مارئه عليها ئصص الحب وبتعرف تحلها انا بحياتي ما حبيت بس صاحبتي ئلتلو للي كان حبيبي انو هو تاني انسان بحياتي   
فبدي تساعدوني بهالشغلات انا كل ما اشوف صاحبتي بتغير يعني بالبيت بتتغير تصرفاتي مع اهلي بصير ارد جوابات وما بطيئهن
وكيف بدي اوصل للي كان حبيبي انو انا خبيت عليه اشيا ولازم وصلو ياها لاني تعبت والله تعبت مش لاني بحبو لا لانو اخد فكره عني وانا مش هيك مع العلم اني ما بئدر اتصلو وما بئدر ائول لصاحبتي توصلو حكي يعني كيف والله ما بعرف
ارجوكم ساعدوني وافهمو ئصتي منيح وئولولي شو اعمل لحتى ارتاح تعبت من صاحبتي ومن اللي كان حبيبي ومن كل شي بييجي من طرفهن ومرات بدي اتجاهل الئصه بس ما بئدر ما بعرف ما تعودت حدا يحكي علي
فشو اعمل يا ريت تفهموني وتساعدوني !!!
اقراو ئصتي منيح يمكن لاني مخربطه شوي فوتت الئصه ببعضها وما حدا يجرح وشكرا!!

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.