فتاه (18 عاما) : أحب شاباً يهودياً واتمنى ان اكون له بعد ان يتقدم لخطبتي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

 مرحبا شباب وصبايا..انا كنت كتير متردده اني اكتب مشكلتي..بس قررت اكتبها عشان انا عنجد بحاجه لمساعده منكو. انا بنت عمري 18 حكيت بالصدفه مع شب يهودي عالمسن..هادا الشب عمرو 26.بالبدايه احنا كنا بس صحاب.بعدين صرت احس انو هوي بالنسبه الي اكتر من صاحب..وعرفت انو بطل ينفع اهرب من حقيقة اني بحبو..بس ما حكيتلو على شي.لحد ما اجا الوقت الي حكالي فيو انو هوي كمان بحبني.وعم يستنى مني اشاره. انا اعترفتلو اني بحبو..بس فهمتو وضع انو صعب كتير نكون مع بعض..عصب كتير وحكالي انو بعرف هادا الاشي بس انا مش رح اسمح انك تكوني لعربي..ونا رح اساوي اشياء ما بتتخيليها لحتى تكوني معي..ترجيتو ما يساوي شي..قالي بعطيكي فرصه جمعتين تحكي لأهلك كل شي..بعد هيك انا رح ساوي ايا شي بلائي مناسب لأنو بدي تكوني معي دايما. وحياتكو ساعدوني انصحوني شو ممكن اعمل..لأنو انا كمان بحبو وبطلت ائدر ابعد عنو..بلييز موقع العرب انشروا بسرعه.... 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il