ساعدوني: بغار على زوجي من جارتنا ومش عارفة اتصرف

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
مرحبا شباب وصبايا...انا حابي احكيلكو مشكلتي وبدي تلاقولي حل بتعليقاتكو اللي يا ريت تكون موضوعية لانها عنجد بالنسبة الي مشكلة كبيرة...انا متزوجة من سنتين وعندي ولد مشكلتي هي ببنت جيرانا الوقحة واللي ما بعرف شو اعمل معها كل ما يكون زوجي بالساحة بتروح بتمرق خصوصي عشان تقولو مرحبا او لما بتمرق صدفة بتصير تطلع عليه وتناغش بحالها وبالمرحبا تبعتها وانا بكرها وكتير تخانقت مع زوجي بسببها بس هو بيضل يقولي انا مالي ومالها هاي المجنوني انا اصلا بعبرهاش ..ي!

عني انا مطمنة من ناحية زوجي بس ما بدي اياها تتمادى اكتر وتبصبص على زوجي اكتر ..انا مفكري اروح اشكي لامها بس خايفة يصير مشكلة و بنفس الوقت بديش شي مرة تكون مارقة والحقها اقتلها .. يعني شو اعمل قولولي وشكرا

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il