تقدمت لها أكثر من مرة ودائما ترفضني بحجة متابعة التعليم! ولا زلت أنتظر اجابتها

- أبرز ما جاء في الرسالة:

* انا متل كل هالشباب بحلم اني اخطب واني القى شريكة حياتي يلي ارتبط فيها واكون مرتاح ومبسوط معها

* انا بعرف انو كل شي بالدنيه قسمه ونصيب بس كمان صعب اليوم تلقى بنت بهيك مواصفات عشان هيك انا مصر اني ما ارتبط الا فيها انا خايف يكون جوابها الرفض كمان مرة

 وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا لموقع العرب وكل زوارة انا شب من المثلث وعندي مشكله وحابب انكو تساعدوني فيها انا عمري ٢٦ سنه متعلم ومخلص تعليم وعم اشتغل موظف ببنك والحمد الله شغلي كتير منيح انا متل كل هالشباب بحلم اني اخطب واني القى شريكة حياتي يلي ارتبط فيها واكون مرتاح ومبسوط معها واجا اليوم يلي لقيت فيو البنت يلي كنت دايما بتمنى اني القى فيها الصفات الملائمة يوميها اجت على البنك عشان تزبط اوراق لجامعتها فاخذت وعطيت معها بالحكي وعرفت انها عم تدرس بالجامعه سنه اولى اعجبت باسلوب حكيها وادبها ولبسها المحتشم فقررت اني اسال عنها واتقدم لخطبتها فسالت ناس بعرفهن عنها والبنت طلعت بنت عالم وناس وما فيه منها ادب واخلاق وعقلانه وما الها علاقات مع شباب وهاذ الشي ابسطني وريحني فحكيت لاهلي اني انا بدي اخطب هي البنت فحكولي ماشي يا ابني بس احنا لازم نبعت مع جماعه بيعرفوا اهلها عشان نقولهن بدنا البنت..

 صورة توضيحية

وبعتنا مع الجماعه خبر لاهلها انو بدي بنتهم على سنة الله ورسولة وبعدها بكم يوم حكولي ما في الك نصيب انا اصريت الا ما اخذ هي البنت وبعتت مرة وتنتين وتلات وبكل مرة القى نفس الجواب انو البنت ما بدها انا قولت خلينا نستنى شوية وقت وبيوم اجت هي البنت يلي اتقدمتلها على البنك فقولت بدي اسالها واعرف منها سبب الرفض وسالتها انت ليش ما بدك اياني ليش عم ترفضيني فيه شي حدا بحياتك مع العلم اني بعرف انو بعمرها ما كان الها علاقات مع شباب بس قولت بدي اتاكد قالتلي لا بس انا مالي حابه ارتبط هلا عشني خايفه لساتني بالجامعه جديد سنة اولى وعم ادرس موضوعين مع بعض وخايفه اذا ارتبطت ما اقدر اوفق بين الدراسه والخطبه عشنو كل شي الو حقو والو اولوياتو ولساتني صغيرة عالخطبة انا حكيتلها ما تخافي انا بساعدك وبوقف جنبك وانا لساتني مصر على اني اخطبك فهيه سكتت قولتلها خذي كل وقتك وفكري وانا مستنيكي ولو شو ما كان الجواب انا ما رايح ارتبط الا بغيرك ولحد هلا مرقوا اسبوعين وما فيه منها اي رد وانا ما بدي الا هيه انا بعرف انو كل شي بالدنيه قسمه ونصيب بس كمان صعب اليوم تلقى بنت بهيك مواصفات عشان هيك انا مصر اني ما ارتبط الا فيها انا خايف يكون جوابها الرفض كمان مرة شو اعمل يا ريت تنصحوني وتساعدوني

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il