فتاة (19 عاما) : قصة حبنا كانت مقدسة يوما... لكنه أخطأ بحقي.. أود النسيان لكن...
وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
حابه احكيلكم مشكلتي لارتاح شويه بس يا ريت ما تخيبو ظني فيكم وتساعدوني لانو بالو مو مرتاح .. انا صبيه وعمري 19.5 يعني بشكل عام كامله مكتمله والكمال لله وحدة والحمدالله عكل شيئ مشكلتي اني بحب شخص اكبر مني ب3 سنين ومتاكده من حبو الي لدرجه كبيره وقريبا ان شاء الله راح يربطنا اشي رسمي لانو حابين نحقق حلمنا الا هو الزواج وطبعا علاقتنا ضمن الحدود ومع علم الاهل من جهه الطرفين .. بس المشكله انو بمره غلط بحقي وسامحتو كرمال حبي الو والمعزه الا بقلبي اتجاهو كبيره بس مش قادره انسى غلطو ودايما ببينلو انو انا مبسوطه معو وبضحك بس صدقوني مش من قلبي والمشكله الاكبر انو الشـــــــك ببقى مرافقني عطوووول مش قادره اتخلص من هالمشكله صرت افقد الثقه بنفسي كنت بلبدايه صدقو لما يقلي بحبك وبدي تكوني شريكه حياتي هلأ مو قادره صدقو ببينلو انو مصدقتو وبضحكلو وبحنلو بس قلبي مجروح منو هل يا ترى اذا تركتو راح اكون ظالمتو وقسيت عليه وهل راح اقدر انساه بهالسهوله اانا حبيتو من كل قلبي وهو حبي الاول والاخير بس من الممكن ما اكون استاهل مش بأيدي هلاشي حابه ادوس عالشك واعيش حياتي كباقي الناس من دون ما اكون شكاكه صرت اشك بنفسي عفكره الغلطه الا غلطها بحقي كبيره بنسبه الي وانصدمت منها ومكنتش متوقعه منو انو يغلط هالغلطه المؤلمه بس هو تاسفلي وما تتصورو انو كثير كانت تنزل دموعو كرمالي مش انو ضعف شخصيه بس هاض دليل بانو بحبني وكثير كنا نتزاعل ويدخل اهلو بلموضوع وانا كرمال اهلو ومحبتي الهن سامحتو هالمره بس مو قادره اطلع من الحاله .......... كثير بتمنوني بس انا برفض لانو حبيتو وما بدي اخونو وابني علاقه مع غيرو بس ليش غلط بحقي هلاشي مو قادره اتغلب عليه يمكن تحكولي الا بحب من كل قلبو بسامح بس من الممكن الانسان يسامح عغلطه صغيره ومره مرتين اما بعدين صعب وكثير كمان والقلب الا بنجرح صعب يتداوى بهالسرعه وسؤال اخير هل ممكن الانسان يرجع عغلطو وشو رائيكو اسامحو ولا لا مع انو قلبي موجوع بعدو بس حابه اخد رائيكو وبترجاكم بلاش تجريح واساءه لانو الحب اقوى من كلشي ....
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il