في منتدى العرب: عمرو السعودي يحدثكم بسطور دامية بشعره عن غزة الأبية
في عروق الارض ساير
دم سايل
من جذور المجروحين
تحت سطح الارض كانن
قلب آمن من سنين
يا سنين درب المواجع
يا ليالي المسجونين
بذره الشهدا يانبته
لسه صابره ولسه ساكته
لسه باقيه في ارض ثابته
اسمها غزه العفيه
في عروق الارض ثاير
كل حلم و كل نيه
في عروق الارض جاري
دم خالي من الخطيه
اسمها غزه المغازل
سد شايك سلك عازل
فجر بالمواويل يغازل
ضي باقي في العنين
غزه يا طوف الغلابه
في زمن آسي ولعين
في زمن هز الهوانم
والجيوب المنفخوين
غزه يا قبله وكعبه
جوه قلب المخلصين
في عروق الارض ساير
دم سايل
من جذور المجروحين