شابة: خطوبتي كانت نتيجة لضغط مستمر من أهلي ولا زلت أفكر بحبي الأول

- أبرز ما جاء في الرسالة:

* انا بحب واحد تاني غير هاد بس يلي بحببو ما كان يعرف ومن جديد عرف وهوي كمان طلع بحبني

*  مخطوبه لشب من بلدي انا عمري 17 اجا طلبني وانا ما كنت موافقه بس من ضغط الاهل والحكي عنو انو منيح قبلت

*  انا خايفه من زعل امي ما بحبها تزعل مني وكل يوم بمر وبتزكر انو خلال اكم شهر رح اكون عروس بتمنا الموت ميت مره

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مخطوبه واحب شخص اخر...
مرحبا لاحلى موقع بلعالم موقع العرب انا بشكركم كثير انكم عطيتوني الفرصه انو احكي قصتي وبتمنا انو الاقي رد يساعدني.  باختصار انا مخطوبه لشب من بلدي انا عمري 17 اجا طلبني وانا ما كنت موافقه بس من ضغط الاهل والحكي عنو انو منيح قبلت.

صورة توضيحية

بس انا بحب واحد تاني غير هاد بس يلي بحببو ما كان يعرف ومن جديد عرف وهوي كمان طلع بحبني وهوي مش من بلدنا وعمرو 19وخطيبي لما نطلع مع بعض بكون شايفتو متل عدو لالي انا بدي اتركو لانو عقلو ما بنطبق على عقليتي انا ما بحكي انو بفكر اتركو مشان بحب غيرو او انو بفكر انو رح يطلع من نصيبي بس انا خايفه من زعل امي ما بحبها تزعل مني وكل يوم بمر وبتزكر انو خلال اكم شهر رح اكون عروس بتمنا الموت ميت مره.
بتمنا تنصحوني بشي حل يطلعني من هاي القصه ارجوكم اي تعليق مش بمحلو ما في داعي تكتبوه لانو الانسان اللي فيه مكفيه.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il