اكتشفت ان ابنتي المحجبة تخلع حجابها وتغير ثيابها في طريقها الى الجامعة!

- ابرز ما جاء في الرسالة:

انا ام لعائلة محترمة ومتدينة عمري 45 عام اكتشفت ان ابنتي 20 عام تخلع الحجاب وتغير ثيابها في طريقها للجامعة 

زوجي  وابني سيجن جنونهما ان عرفا بالامر وسيحرماها من الجامعة وأنا لا أريد ان تخسر تعليميها بنفس الوقت اعلم انها لا تسمع لي 

كيف اواجهها واواجه الناس؟ ومن المستحيل ان يقبل ابوها ان تخلع الحجاب بعد ان لبسته لمدة اكثر من سنتان ! اموت من الخوف عليها ومن زوجي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

 الرسالة كالتالي :
مرحبا..السلام عليكم لزوار العرب الكرام انا ام عمري 45 عام من الشمال , مشكلتي سودت الحياة في وجهي لاني اكتشفت من فترة انو بنتي المحجبة والي عمرها 20 سنة بتشلح حجابها وبتغير اواعيها بطريقها للجامعة.
وهادا الايشي اكتشفتوا لما سألتي صديقة الي اذا بنتي شلحت الحجاب فقولتلها لا فجاوبتني انها متأكدة لانو بنتها شفتها بدون حجاب بالجامعة وأنا من وقت ما حكتلي قررت اني اراقبها وبطريقة غير مباشرة فاتتت هي عالحمام لتغير اواعيها وانا فتحت شنتتها ولقيت بنطلون جينز وبلوزة مشلحة كتير.

صورة توضيحية

كان براسي عقل وما ضل رجعت الاواعي محلهين وقررت اني اطلع وراها عالجامعة انا وختي وهناك تتأكد الوضع لانها كانت مغيرة واواعيها ولابسي ايشي تاني . حاسي اني رايحة انجن من تصرفها هاذا وخايفة ابوها يعرف بهادا الموضوع واذا عرف رح يمنعها من الجامعة وأنا ما بدي امنعها من التعليم مع اني منجني منها وما عدت اثق فيها .
والي متعبني اكثر انها خبت عني مع انو احنا ما ظلمناها وهي لبست الحجاب بارادتها مش غصب عنها بس لما مرة قالت لابوها انها حابي تشلحوا رفض لانو حرام وعيب وقلها مستحيل .
انا متحيرو ليش هي عملت هيك ليش ما رضيت؟ وكيف قبلت على حالها هاذا الوضع وما خافت على سمعتنا احنا اهلها .؟
شو بدي اعمل ما بغذر اخليها هيك لانو بالاخر ابوها واخوها راح يعرفوا اذا مش مني من الناس؟ وما بدي احرمها من التعليم.؟ شو ممكن اعمل ساعدوني وانصحوني انا كتير متحيرة ؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il