تعقدت من فكرة الزواج لفشل وتعاسة أمي وأبي وأنا عزفت عن ألزواج!

- أبرز ما جاء في الرسالة :

انا متعلمة وعمري 24 عاما ومشكلتي اني ارفض بتاتا فكرة الزواج والسبب يعود لمشاكل المتزوجون وخاصة اهلي

تعقدت من فكرة الزواج بعد رؤيتي واحساسي بمشاكل المتزوجون التي لا تنتهي...وكأنهم خلقوا لينكدوا على حياة بعضهم

اخاف ان اكون مخطئة وأن يفوتني قطار الزواج واجد نفسي وحيدة وكبيرة في السن مع عقدتي...ساعدوني كيف اتغلب على هذه الفكرة؟

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي :
مرحبا موقع العرب نا صبية عمري 24 عاما متعلمة..مشكلتي اني حابي ارتبط بانسان وابني حياتي واتزوج بس المشكلة  انو صار عندي عقدة من الزواج ومن الزلام بعد الوضع الي شايفتو بين ابوي وامي ..بتطلع على كل الي حوالي ما بشوف غير المشاكل والهموم والكل بشكي ومش متريح ...لحد ما شلت فكرة الزيجة من راسي وما عدت افكر فيها .
 

 
صورة توضيحية

وفي كل مرة بكون موجودة بمحل او بطلعة او مع امي ما بلاقي غير النسوان بيسألوا خطبتي او بعدك ولما اجاوبهن اني بعدني بينظروا نظرة غير شكل وكأني ختيارة وعمري 40 سنة وراحت الجيزة علي .
بس الناس ما بتعرف اني انا الي كل ما بيتقدملي عرسان برفضهن لاني خايفي وبحيرة كبيرة شو راح يصير بعد الزواج وبعد الفرح والبدلة البيضاء..وتصرفات ومشاكل امي وابوي وحتى اعمامي وجيراني بتخليني ارفض الفكرة بشكل نهائي حتى لو كان العريس منيح ...بس طبعا زي اي بنت خايفة اني اكبر وما يعود يطلع علي حدا ....ساعدوني هل الي انا في حالة نفسية ممكن اطلع منها مع الوقت ..بس كيف راح اطلع منها ما دامي شايفي انو ما في حدا مبسوط مع زوجته او وحده سعيدة مع جوزها ...انا خايفة كتير وحيرانه ..وكأنه لازم اتزوج لانها وظيفة ولازم اعملها ساعدوني لو سمحتوا ...؟ كيف افك عقدتي؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il