شاب:أفكر بالتجند في الجيش لأن وضعنا المادي المزري يمنعني من الدراسة

أبرز ما جاء في الرسالة:

عم بفكر ادرس اشي يرفع الراس بس للاسف وضع اهلي المادي ما بسمحلي بالتعليم الجامعي

انا الكبير في البيت وعندي ثلاث اخوة بالمدرسة بعدهن وابوي مريض والحالة المادية كتيير صعبة

انا بديش اكون جندي ظالم أو ..ولا بدي اقتل ولاد شعبي الغوالي بس بدي الاقي حل للأزمة ولهيك عم بفكر افوت على الجيش

---

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
موقع العرب ارجوكم انشرو مشكلتي بسرعة حتى آخذ راي الزوار فيها. انا شاب جديد خلصت صف 12 من الشمال مسلم وكنت تلميذ  شاطر وعلاماتي كتيير منيحة عم بفكر ادرس اشي يرفع الراس بس للاسف وضع اهلي المادي ما بسمحلي بالتعليم الجامعي خصوصي اني الكبير واذا فكرت اشتغل مش راح الحق وراح يروح علي سنين طويلة وأكيد بعدها راح ازهق  وعندي تلات اخوة بالمدرسة بعدهن وابوي مريض والحالة المادية كتيير صعبة.

صورة توضيحية

قبل فترة قريت انو الحكومة رح تدفع القسط الاول للجامعيين اللي بخدمو جيش... انا فكرت انو هاي ممكن تكون فرصة منيحة الي بالزات انو بعد الخدمة في الجيش بصير في مجال اني  اكبر الي الاقي شغل وبشروط منيحة وكمان مصاري وكمان قطعة أرض. وازا انا غلطان صلحوني. انا بديش اكون جندي ومحاربة ولا بدي اقتل ولاد شعبي الغوالي بس بدي الاقي حل للأزمة ولهيك عم بفكر افوت على الجيش لانو رح يطعميني خبز. لهيك عم بسألكم ازا في حل تاني احكولي وشكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il