تركت الدخان والمشروب من اجلها والآن أهلي يرفضونها..

أبرز ما جاء في الرسالة:

الصبية غيرت كتير جواتي حتى بتفكيرها والحاحها خلتني ابعد عن الدخان والشرب وكتير اشياء كانت من الماضي

قصتي بلشت لما قررت اني افاتح اهلي بالموضوع وعن نيتي بالارتباط .وهون كانت المفاجاه الكبرى من قبل اهلي بالرفض القاطع

الحين مشاكل كبيره بيني وبين اهلي وصلت اني طلعت من البيت وساكن بالايجار.وانا حكيتلهن اذا مش البنت مش راح اتزوج بحياتي 

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
سلام لاحلى موقع. انا شاب من الشمال ابلغ 26 سنه متعلم. بشتغل بمجال الحسابات بدرجه كتير يحلم فيها . والحمد لله . والحال مستور قصتي بلشت لما اتعرفت على صبيه الي بعتبرها غيرت كل حياتي .اعطتني الامل بهاي الدنيا.غيرت كتير جواتي حتى بتفكيرها والحاحها خلتني ابعد عن الدخان والشرب وكتير اشياء كانت من الماضي. حبيت البنت من كل قلبي حب صادق بعيد عن الكذب والخداع .قصتي بلشت لما قررت اني افاتح اهلي بالموضوع .وعن نيتي بالارتباط .وهون كانت المفاجاه الكبرى .من قبل اهلي بالرفض القاطع.

  صورة توضيحية

في البدايه بدون اسباب ولكن مع اصراري على معرفه السبب بلشوا باختراع الاسباب ..مره بحكولي البعد الي بينا من ناحيه سفر مع العلم اليوم فش شي اسموا بعيد ما شاء الله السيارات معبيه الدنيا .المهم عرفت بالاخر انو السبب اهلي بدهن اتزوج بدل .طيب كيف ووين واحنا باي زمن ليفكروا هيك تفكير .كيف ابني سعاده غيري على حساب تعاستي .كيف اقدر اعيش هيك انا مش عارف .طبعا انا رفضت الموضوع بالمره لكن لا حياه لمن تنادي .الحين مشاكل كبيره بيني وبين اهلي وصلت اني طلعت من البيت وساكن بالايجار.وانا حكيتلهن اذا مش البنت مش راح اتزوج بحياتي .انا في حيره من امري.
مش عارف شو اعمل بهاي الدنيا .مع اني شب محترم وبحياتي ما اذيت حدا والكل بالبلد يحترمني والمشكله اني صرت افكر بالحماقات كتير لانتقم من عذابي .ارجوا من موقعكم نشر قصتي .ومن اخواني واخواتي الي يريد يكتب تعليق .بس يا ريت ما يكون مسخره لعلي اجد عندكم الحل .واسف على اللغه لاني مش كتير بكتب عربي يعني اخذ معي وقت كتير لكتبت.. 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il