شاب (26 عاماً): أحببتها جداً لكن أهلها حرضوها ضدي بعد نزاعات طويلة
أبرز ما جاء في الرسالة:
طلعت عليا وبعدين عملت حالها مو شايفتني ولا كان كنا نعرف بعض
حكيتلو المطلوب حكالي انو بدو البنت قتلو مبروك عليك روح للبنت انا هون انصدمت كثير كثير
حكيتلها انو اختك يلي تجوزت قبلك بسنة شو كان مهرها انتي مهرك يلي بدي ادفعو لاهلك بقدو مرتين
المهم نفذت انا وعدي الها ورحنا اشترينا الخواتم بوجود امها وبلشنا تحضير للزواج واتفقت مع اهلها على المقدم والمؤخر
وصلت الى موقع العرب رسالة من إمرأة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
هذه قصتي مع الفتاة العربية.. انا عايش في اوربا وتعرفت على بنت عربية من قبل 10 اشهر تقريبا ورحت خطبتها من اهلها واهلها وافقو وخلال فترة الخطبة صرنا نحب بعض كثير كثير هذا من ناحيتي من ناحية البنت كانت تصرفاتها وتعاملها يبين انها كثير كثير بتحبني بعد فترة اجاني اتصال من شخص وقالي انا كنت على علاقة مع البنت يلي خطبتها وانا نمت معها وهي فقدت عذريتها.
صورة توضيحية
صدمة !
حكيتلو المطلوب حكالي انو بدو البنت قتلو مبروك عليك روح للبنت انا هون انصدمت كثير كثير وطلعت الدنيا من عيني لانو البنت كانت محتشمة ومحجبة وبتخاف الله وطيبة وانا كنت بحبها كثيررررر ولحتى الان بحبها وسئالت عدة مشايخ وطرحت الموضوع هون في الموقع انو اتزوجها والا اتركها وكانت الردود الاغلبية تزوجها واستر عليها وهيا كانت تتصل وتبكي مشان الله لا تتركني بحبك ورح موت حالي بدونك وانا قررت استر عليها واتزوجها.
محاولة الإنتحار
وحتى لاهلها ما حكيت قصتها وقتلها انا ما راح احكي لاهلك ولازم اطلعك من بيت اهلك وراسك مرفوع وكانت تحكيلي مابدي لا ذهب ولا جهاز عروس واعيش معك لو بالجبل ما اقدر اعيش بدونك وتحلف بالله العظيم انا حكيتلها انو اختك يلي تجوزت قبلك بسنة شو كان مهرها انتي مهرك يلي بدي ادفعو لاهلك بقدو مرتين وشو اخذت ذهب وغيرو اختك انتي رح جيبلك بقدو مرتين وووووو ومارح خليك تشعري انو في حدى احسن منك والله على ما اقول شهيد ووقفت جنبها وساعدتها والبنت حكتلي انو حاولت تنحر مرتين قبل ماتعرفني واخذوها اهلها على المستشفى وانقذوها من التسمم وحكتلي من يوم عرفتك تغيرت كل حياتي للافضل.
أهلها يحاولون وضع العراقيل
ومن هالحكي المهم نفذت انا وعدي الها ورحنا اشترينا الخواتم بوجود امها وبلشنا تحضير للزواج واتفقت مع اهلها على المقدم والمؤخر وكل الامور تمام والخطبة بعد اسبوع بعد يومين اتغير كل شي من ناحية اهلها وصارو يحطو عراقيل ومابعرف شو صارلهم البنت كانت تتصل عليا وتحكيلي احبك وتبكي ولا تتركني وتبكي حكيتلها في شي صاير لاتخبي عليا حكتلي انو اجى شاب من بلدها خطبها واهلها بدهم يجوزوها الو لانو معو مصاري كثير عزمني جوز اختها على الغذاء تاني يوم رحت ولقيت اهلها هناك وهيا والدمعة بعينها عملت حالي عادي كاني مابعرف بقصة الشاب يلي اجا خطبها وكانو اهلها نفسيتهم مو حلوة معي وعم يحاولو يخترعو مشكلة معي في اي طريقة لحتى يخربو الخطبة.
محاولة تقريب وجهات النظر باءت بالفشل
انا شفت انو ماخرج ابقى في هالاجواء التعيسة هي ولازم ارجع للبيت لانو لو بقيت رح حققلهم هدفهم وتصير مشكلة متل مابدهم قمت حكيتلهم انو عندي شغل ولازم روح وانا اجيت بس لحتى سلم عليهم واطمن عليهم وروح المهم طلعت ورحت اتصلت عليا البنت بعد شي ساعة وحكت انو امها بدها تحكي معي حكت امها قال مابصير تروح لما نطلبك لازم تجي ومابعرف شو وبدها تعمل مشكلة مابتعرف كيف اخذت منها الموبايل بنتها وحكينا مع بعض شوي وقتلها للبنت انتي فاتحة الميكرفون صح ليش هيك في حدا جنبك احكي للجنبك انو مابصير هالتصرفات انا جاي من الباب مو من الشباك وعلى سنة الله ورسوله وكيف يعطو كلمة لغيري بعد ماعطوني كلمة وحضرنا كل شي واشترينا والاهم انو تعلقنا في بعض اخذت امها الموبايل وحكتلي بطلنا ماعاد في لا زواج ولا خطبة وسكرنا الموضوع البنت تمت بعدها كل ربع ساعة تحكي معي وتقلي احبك ومستعدة اعمل كل شي عشانك مابدي غيرك ثاني يوم رحت على بيت اهلها وحاولت انو اقرب وجهات النظر بينا لكن رفضو رفض قاطع وبعدها على اساس هني سكرو الموضوع.
"راح اتصلك كل ربع ساعة"
بس احنا تمينا نلتقي مع بعض ونحكي مع بعض كل يوم نلتقي في مدرستها لحتى شافنا اخوها مرة مع بعض واتصل على ابوها واجا ابوها لحتى ياخذها ورفضت تروح معو وهون مابحسن يعمل شي مع بنتو لانو البنت عمرها ١٩ سنة وفي اوربا بحقلها تعمل يلي بدها وبعد تهديدات من اهلها الي والها وتطالو بالكلام وحاولو ياخذو البنت بالغصب تدخلت ومنعتهم وكانت الشغلة رح توصل للدم والبنت واقفة جنبي وتاركة اهلها وماسكة ايدي وتحكيلي لا تتركني احبك وقتلها ما اتركك وماحدا بيمسك شي لا تخافي الناس يلي بالشارع تدخلو وهددو اهلها بالاتصال بالشرطة واجا ابوها وعمل حالو مسكين وصار يحكي معنا عن العادات والتقاليد وقال للبنت والي ارجعي معي للبيت وانا اوعدكم انو تتزوجو بشكل رسمي خلص بس لاتفضحونا وخلي البنت ترجع معي عيب قدام الناس البنت صدقت هالكلام وقالت ابوي حكا انو رح يجوزنا رسمي انا راجعة معو ولا تخاف رح نتجوز وراحت معو بموافقتها انا ماطمنت خفت عليها لحقتهم بعد شي نص ساعة على البيت بدي اتاكد انو مايعملو شي معها ويقتلوها وانا بالطريق اتصل ابوها واخوها وحكولي انسى البنت ورح تدفع الثمن حياتك كملت طريقي لعندهم للبيت ودقيت الباب عليهم وطلعو يهددو تهديدات ماخرجهم يعملو شي وانا كنت قدامهم بس حكي عالفاضي حكيتلهم اذا صار شي للبنت لحتى اعمل فيكم شي ماصار بتاريخ اوربا كلها وطلعو البنت خلوها تحكي معي كلمتين لحتى اتاكد انو ماعملتو معها شي احسن ما اتصل عالشرطة طلعو البنت حكت معي قتلها كل ربع ساعة رح اتصل واسمع صوتك وان مارديتي بفهم انو اهلك عملو شي معك.
وعادت المياه لمجاريها بعد فوات الاوان..
رح اجي مع الشرطة عدة الشغلة وتصالحت مع اهلها وحاولت تحكي معهم من جديد ورفضو وكانت تحكي بالسر وبعدين اهلها عرفو وصادرو الموبايل ومرة فترة هيك تهرب تتصل من عند الجيران واخر شي ماعاد تحملت انا واتصلت على امها وحكيتلها هيك قصة بنتك واستري عليها وبعد نص ساعة حكا معي ابوها وامها وبكل حنان وعواطف ومحبة بعد ماعرفو شو قصت بنتهم وحكولي قريبا رح نجوزكو وانتا شاب كويس وووو هون صرت احسن رجل بالعالم بنظرهم سبحان الله وحكولي استر علينا ولاتحكي شي ولا تحكي لحتى اخوها وفتحو الموضوع مع اخوها انو بدنا نرجعهم لبعض ما رضي واتصل وهددني وانا هون رديتلو بكلام قاسي بدون ما احكيلو اي شي عن موضوع البنت لانو تجاوز حدود الاداب في كلامو وثاني يوم الشاب يلي كان بحب البنت حكا لزوجة اخوها للبنت القصة وبدورها هيا نقلتها لجوزها وما حرك ساكن وراحو اشتكو عليا على الشرطة وطلبتني الشرطة وجمعوني مع البنت والبنت بعد كل شي حكت خلص كل واحد من طريق انا بطلت بدي اتجوز قتلها هيك بعد كل شي بينا تعملي صارت تبكي وحكتلي انو هيا لسى بتحبني بس المشكلة بيني وبين اهلها وطلعت انا من الشرطة مو مصدق انو هيك صار انصدمت صدمة كبيرة وانا بعرف انو اهلها عبو راسها عليا واقنعوها تنهي العلاقة وتشتكي للشرطة لحتى يحاسبوني لكن يلي صدمني اكثر انو بعد فترة اسبوع شفتها في الشارع وطلعت عليا وبعدين عملت حالها مو شايفتني ولا كان كنا نعرف بعض مابعرف شو بدي احكي بس بدي رائيكم لانو ماعاد عقلي يستوعب شي ، انا عمري ٢٦ سنة والبنت عمرها ١٩ سنة .
اسف طولت عليكم بقصتي والله فوقنا ويشهد على كلامي واتمنى اشوف تعليقاتكم والاستفادة منها
كل الشكر لموقع العرب ولكم اخواني واخواتي وبالتوفيق لكم جميعا..
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il