فتاة: طيش اختي وكذبها اوقعني بمشاكل مع أخي الكبير ودمر علاقتي الطيبة معه
أبرز ما جاء في الرسالة:
اجت اختي بهديك اللحظة بتقولي، ليش بتنكري انك بتستعملي تلفوني
الشهر اللي فات اجى حساب البلفونات وطلع مبلغ محترم، واخوي جن جنونه
اخوي رفض انه يسأل الشاب مين اللي منا بتحكي معه لأنه مش منطق يفضح خواته ويعمل مشاكل مع الناس
وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
مرحبا زوار موقع العرب، بديش اطول عليكو، ببساطة احنا اختين كتير مدللات، وعنا اخو وحداني، اكبر منا ب 3 سنين، اخونا هادا مدللنا اكتر من ابونا وامنا، وشو بدنا بعطينا.
صورة توضيحية
قبل فترة اشترالنا بلفونات، خط مش كرت، وصار يدفع عنا، بعدين اختي صارت تحكي كتير بالتلفون، كل ما بشوفها واحنا مروحات من المدرسة بتكون تحكي، وكا ما نكون لحالنا بالبيت بتكون تحكي، وكل ما بسألها مع مين بتحكي بتقولي مع صاحباتي، وكل ما بقولها انه عم بيجي كتير حسابك، واخوي راح يوخدو منك بتقولي لأ لأ لأ !! وانه اخوي مش راح يوخدو منها لانه على قلبه زي العسل.
حساب الخليوي مبلغ محترم !
الشهر اللي فات اجى حساب البلفونات وطلع مبلغ محترم، واخوي جن جنونه، انا انكرت وقلت ما بعرف شي وانا ما بستعمله كتير، واختي نفس الشي عملت، وهادا اللي ضايقني، المهم اخوي جاب ورقة بتكشف لمين حكينا كل الشهر. وبالفعل. طلع انه عند اختي حاكيي لنفس الرقم بساعات لا تعد. اجى اخوي شاف النمرة ما لقاها بتلفونها، ولما فحصها اذا هاي النمرة موجودة بتلفوني بالفعل لقاها وهي لبن صفي وهون انا طلع عقلي بطل براسي عقل !
انكار شديد
اجت اختي بهديك اللحظة بتقولي، ليش بتنكري انك بتستعملي تلفوني ! وانا موتت عياط، والله العظيم ما انا، واخوي رفض انه يسأل الشاب مين اللي منا بتحكي معه لأنه مش منطق يفضح خواته ويعمل مشاكل مع الناس. اخوي جداً غاضب عليّ وبسمعني حكي ع الطالعة والنازلة رغم اني مش غلطانة، شو أعمل و كيف اثبتله الحقيقة؟
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il