تزوجتُ ابن عمي بعد أن طلق زوجته ولكن شكه وعدم ثقته يجعلني كالمجنونة
أبرز ما جاء في الرسالة:
مرات بيجي على الجامعة بس كرمال يشوفني شو بعمل
بيظلوا يعذب فيي و بيمد ايده علي، و عمي و مرت عمي كبار بالسن و ما بيقدروا عليه
مش عارفة شو اعمل، اتركه او لا بس اذا تركته ما بقدر اظل عند بيت عمي و كمان ما بقدر اعيش عندي امي
وصلت الى موقع العرب رسالة من امرأة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
مرحبا للجميع، انا بدي اطرح على قراء الموقع مشكلتي و بتمنى الاقي حدا يقدر يساعدني اقدر احلها، انا عمري 21 سنة و بدرس بالجامعة محاماة و صرت بسنة ثالثة، انا متزوجة من ابن عمي و عمره 25، هو مش متعلم بس عنده محل و ماشي حاله منيح... هو كان متزوج قبلي بس مرته ما كانت منيحة لانه كانت تحكي مع شباب على النت و التلفون و علشان هيك هو طلقها...
صورة توضيحية
انا كنت عايشة عندي بيت عمي علشان ابوي متوفى و امي متزوجة و عمي ما كان يرضى انو اعيش ببيت زلمة غريب... مشكلتي زوجي و كيف بيعاملني، يعني لما بدو ياكل ما بيخليني اقعد اكل معه و كمان و لا مرة طلعني معه شي مشوار لا بالخطبة و لا بعد ما اتزوجنا و ما بيعطيني مصاري ابدا و اذا بدي اشي مرت عمي بتعطيني مصاري و بيظلوا مراقب الانترنت و مرات بيجي على الجامعة بس كرمال يشوفني شو بعمل.
أفكر بالإنتحار
اسا هو مش بخيل علشان هو زمان لما كان متزوج كان يعطيني مصاري و يجبلي اغراض و كمان هيك بيظلوا يعذب فيي و بيمد ايده علي، و عمي و مرت عمي كبار بالسن و ما بيقدروا عليه... اسا انا مش عارفة شو اعمل، اتركه او لا بس اذا تركته ما بقدر اظل عند بيت عمي و كمان ما بقدر اعيش عندي امي ، و انا زهقت من عيشتي كلها و مرات بفكر انتحر بس بعرف انه حرام، بس ممكن يتغير بالمستقبل و اذا حدا يقولي كيف فيني اخليه يحبني بكون كتير مشكورة، سلام.
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il