انشودتين للاطفال: الكعكة والطفولة

الكعكة 
 شوفو , شوفو ما احلاني
أنا كعكة زماني
منّي الابيض ومنّي الاحمر
  بالكريما مَلياني
  *****
عَ راسي كرزة حمرا
والشاطِر يُقصُفْ عُمرا
أنا بستنّى , أنا بستنّى
عيد الاموره السمرا (الشقرا)
  *****
كل ميلاد مع الشمعاتْ
ِبتْقضوا احلى الاوقاتْ
بعيد محمد وعيد الياس
حوْلي بتحلا الغِنيّاتْ

الطفولة

الطفولهْ ما احلاها
الله من فوق حماها
لوّنْها بلون الحُبّ
أزرق لون سماها
*****
براءة وخِفة دمْ
مع سعاده بلا همّْ
الطفولة يا اطفال
بسمة حلوة على الفمْ
****
الله يديم الطفولهْ
بالمحبّة مجبولهْ
بابا وماما يا عيوني
 بِطعموني تبولهْ