شابة: طلبني للزواج ورفضته ولكنني عندما أردته كان متزوجا فكيف أحتمل العذاب؟

أبرز ما جاء في الرسالة:

 حكا فيي بس انا ما كنت احس بأي ميول عاطفية تجاهه

بس حسيت حالي اعجبت بالشب اللي طلب ايدي ورفضته كان صار متزوج

مرات بفكر اعترفله بحبي بس خايفة اخربلو بيتو لانو بتخيل انو بعدو بحبني

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا انا صبية بأول العشرينات في شب من البلد حكا فيي وهو كتير انسان خلوق ومنيح ومؤدب وابن عيلة وناس بس انا ما كنت احس بأي ميول عاطفية تجاهه يمكن لانو كنت معجبة بحدا تاني. المهم بعد فترة وما بعرف ليش وكيف بطلت معجبة بالشخص اللي فكرت حالي معجبة فيه.

صورة توضيحية

المشكلة يا جماعة الخير انو بس حسيت حالي اعجبت بالشب اللي بحبني وطلب ايدي للزواج ورفضته كان صار متزوج وصرلوا بس اكمن شهر. يعني بالعربي ما الي نصيب فيه وانا حاسة انو مش عارفة ازا خسرتو او ربنا مخليلي احسن منو.
يعني شو سخرية هالقدر هاي لمن الشب كان ميت علي وقاتل حالو علي انا يمكن اتكبرت او رفضت بدون سبب مقنع حتى ما اعتيطو فرصة عشان اشوف بركي صرت احبه واسا من حالة وقعت بغرامو وعم بتعزب بس بعد شو؟ بعد ما فات الأوان وتجوز... مرات بفكر اعترفله بحبي بس خايفة اخربلو بيتو لانو بتخيل انو بعدو بحبني. من شان الله ساعدوني وشكرا الى النشر يا موقع العرب.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il