أعمل ليلا نهارا لأوفر اللقمة لأولادي وزوجي يلاحقني على كل شيكل

أبرز ما جاء الرسالة:

المصاريف عمالها بتزيد وهو مش بالوارد شيلي

انجبرت انا اشتغل زيادة على شان اسد مصاريف البيت ومصاريف الاولاد

أكثر من مرة تعصبنت من الموضوع، فصار يقولي البخل مش منيح، والله بفرجها، وانت معاك مصاري في البنك، وانت كتيرة المشترى

---

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

أنا متزوجة منذ 5 سنوات، لا زلت في عز الشباب، اعمل والحمدالله، لدي ولدين، وعندي طاقة ايجابية وتفاؤل كبير بالحياة، وزوجي "كان" نفس الشيء، بس بعد ما وقع في شغله، وتصاوب بطل يقدر يشتغل، وصار عدة مشاكل وهيك.

 
صورة توضيحية

انجبرت انا اشتغل زيادة على شان اسد مصاريف البيت ومصاريف الاولاد، وتغيرت مخططاتنا فجأة، وصار لازم انا اقوم بكل الواجبات المادية من معاشي القليل !

تطلبات الزوج
زوجي كثير الطلبات ولا احب حرمانه من اي شيء، فعندما يشتري دخانه يأخذ حقه مني، ولما بدي يطلع مع اصحابه بوخد مصاري مني، وهو بعرف انه معاشي يا دوب يوفرلنا شوية اكل بالبراد، غير الزيارات والمناسبات عند دار اهله، واللي ما بقبل تكون الهدية اقل عن 500 و 600 شيكل ! وأكثر من مرة تعصبنت من الموضوع، فصار يقولي البخل مش منيح، والله بفرجها، وانت معاك مصاري في البنك، وانت كتيرة المشترى، ومصاريفك زايدة على الروايح والمكياج !! مع انه من لما قعد عن الشغل ما شاتريت قلم حمرا ! 

المصاريف عمالها بتزيد وهو مش بالوارد شيلي، صرت احس حالي حمارة شغل بس على شان دخانه وطلعاته وصحابه وزيارات اهله !! كيف اتصرف بهيك حالة؟ 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il