جامعية: أشعر بالفشل لأن زميلتي حصلت على علامة أعلى مني

أبرز ما جاء في المشكلة:

انا صبية بدرس بكلية وموضوع محرز يعني وعلاماتي دايما عالية

صاحبتي مرات بتخرط بالعلامات اللي بتوخدها بس عشان تبين متلي او اعلى مني

هديك المرة شفت الها علامة كانت اعلى مني بكم نقطة ومن وقتها حاسة حالي اني فاشلة

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا موقع العرب انا بعرف انو الجمهور ممكن يتهجم علي بالتعقيبات او يمكن تعتبرو مشكلتي سخيفة بنظركم بس هي مشكلة كبيرة وحقيقية بنظري انا وعشان هيك بترجاكم تفهموني وتساعدوني وتقدمولي نصايح مهمة اقدر استفيد منها.

صورة توضيحية

انا صبية بدرس بكلية وموضوع محرز يعني وعلاماتي دايما عالية وطبعا اغلب الطلاب اللي معنا يهود وانا اكيد متفوقة عليهن. من فترة تعرفت على صبية عربية وصرنا صحاب. مشكلتها انها مرات بتخرط بالعلامات اللي بتوخدها بس عشان تبين متلي او اعلى مني. انا المشكلة عندي عقدي بحب اكون المتوفوقة وصاحبة أعلى العلامات اسا هديك المرة شفت الها علامة كانت اعلى مني بكم نقطة بس اشي بنحكاش فيه وهاي أول مرة هيك بتجيب مع انو دايما باخد اعلى منها.
المشكلة انو من وقتها لليوم انا كتير متضايقة وحاسة اني فاشلة يعني بعرف رح تقولو شخصيتي ضعهيفة بس الموضوع مش هيك بس لاني بحب التميز. صح انها مرة وحدة جابت اعلى مني بس حاسة حالة مخنوقة وبدي أموت. مش قادرة أستوعب ومش قبلانة على حالي انها اعلى مني مع انو علامتة ممتازة! شو اعمل يا موقع العرب يا ريت تساعدوني وشكرا وما تواخذوني.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il