شابة: حبيبي مفرط الحساسية وأقضي الوقت معه بمراضاته

أبرز ما جاء في الرسالة:

أنا صبية خاطبة شب من سنتين واحنا كتير متفاهمين وصحاب

في شغلة على طول بتحيرني وهي انو حبيبي انسان مفرط الحساسية يعني على طول لازم اداريه مداراة

انا انسانة صريحة وبحب احكي اللي بقلبي بدون ما اجرح حدا بس هو على طول بتحسس وبتزعول زي الصغار

يا موقع العرب هادا اسا هيك وحساس بكرا بعد الزواج شو بدو يعمل؟ بس يصير عنا ولاد معقول يضل يتزعول؟

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا موقع العرب أنا صبية خاطبة شب من سنتين واحنا كتير متفاهمين وصحاب ونشكر الله المحبة موجودة بيناتنا، بس في شغلة على طول بتحيرني وهي انو حبيبي انسان مفرط الحساسية يعني على طول لازم اداريه مداراة والمشكلة انو مش دايما الي خلق.

صورة توضيحية

يا موقع العرب انا انسانة صريحة وبحب احكي اللي بقلبي بدون ما اجرح حدا بس هو على طول بتحسس وبتزعول زي الصغار وبس اقلو بحكيلي زناخة. مش عارفة شو اعمل معو. لو كانت مجرد صديقة الي بقول انو عادي البنات بيجو حساسات زيادة عن اللزوم بس مش خطيبي؟ بلشت افكر مرتين هادا اسا هيك وحساس بكرا بعد الزواج شو بدو يعمل؟ بس يصير عنا ولاد معقول يضل يتزعول؟ صدقوني فش اشي ناقصو غير هاي العادة اللي بنظري كتير سيئة. وحياتكو ساعدوني صرلي سنتين معو ومش ملاقية حل.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il