شاب: أحببتها بصدق وأخفيت عنها وعندما اعترفت لي بحبها كرهتها ونزلت من عيني

أبرز ما جاء في الرسالة:

ومن وقتها عم بتعذب بكون معها وفجاة بصير اسرح بافكاري

ومن هديك اللحظة وانا عم افكر، انقبض قلبي، وعم بتهرب منها رغم اني كنت حاببها، بس حسيت انه نزلت من عيني

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا موقع العرب، انا شاب عمري 22 سنة، من احدى الشمال، صحاب انا وبنت صحبة كتير كتير كتير قوية، لدرجة انه بلشت احبها، بس ما بقدر انه اعترفلها او اصارحها، وخوفا من انه تصير تكرهني لاني عم بحول صحبتا لحب.

 
صورة توضيحية

ومن وقتها عم بتعذب بكون معها وفجاة بصير اسرح بافكاري، بس بالضبظ قبل يومين، اتصلتلي بالليل وحكتلي انه بدها تشوفني ضروري وبدنا نلتقي، وبالفعل التقينا وتحدثنا، ولما اجيت ساتلتها عن سبب اللقاء المفاجىء تبلكمت وبطلت تعرف شو تحكي، وبعد ما سكتت شوي قلتلي انه هي بتحبني من وقت كتير طويل وكانت مخبية وكانت تستنى انه انا اعترفلها ، ولانه هي حسب رايها البنت بتكون هبلة اذا بتعترف لشاب بحبها، بس هي مش قادرة تتحمل اكتر ، فبدها تعيش حياتها معي..
ومن هديك اللحظة وانا عم افكر، انقبض قلبي، وعم بتهرب منها رغم اني كنت حاببها، بس حسيت انه نزلت من عيني،وصار عندي شعور سيء اتجاهها.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il