متزوجة:أهلي يطاردونني ويزعجون زوجي بعد أن تخليت عنهم وهربت معه

أبرز ما جاء في الرسالة:

 يا جماعة أنا وزوجي تزوجنا عن حب وهو حاططني بعيونو ... ومعيشني أحلى عيشة أنا وإبننا

بعد ما تزوجت ضلو حوالي سنة ما يسألو عني ولا حتى باركولي لما خلفت... وأنا أصلا كنت متوقعة هاد الإشي وما إستغربت!!!

الإشي بالأول كان عادة بالنسبة لزوجي وكان حتى يساعد أبوي لما يطلب منا إشي... بس إسا زوجي صار يتضايق كتير وصار خايف علي وعلى إبني !!!

أنا بصراحة خايفة زوجي ينزعج لدرجة كبيرة وما بعرف من بعدها شو بساوي!!! أنا كيف أبعدهن عنا يا ربي! عم بحس إنهم ما بدهن إياني أكون مبسوطة !

ما صدقت أطلع من البيت لأنو أهلي مشاكلهن ما بتخلص وكل الوقت يتخانقو .. وهني أصلا كانوا ما مصدقين يطلعوني عشان ما يتحملو مسؤوليتي أكتر من هيك...

الرسالة كالتالي:

مرحبا زوار موقع العرب.. يعطيكو العافية يا أحلى معقبين .. أنا صبية عمري 23 سنة.. متزوجة من أروع إنسان بالعالم.. وعندي صبي صغير ما في أحلى منو بالعالم... أنا تزوجت بكير... والصراحة هربت من البيت هريبة.. مش يعني هريبة بس قصدي أنو ما صدقت أطلع من البيت لأنو أهلي مشاكلهن ما بتخلص وكل الوقت يتخانقو .. وهني أصلا كانوا ما مصدقين يطلعوني عشان ما يتحملو مسؤوليتي أكتر من هيك... أنا ما راح احكي عن أهلي بالعاطل بضلو أهلي يعني بس... يا جماعة أنا وزوجي تزوجنا عن حب وهو حاططني بعيونو ... ومعيشني أحلى عيشة أنا وإبننا ....

تصوير: Thinkstock

المهم أهلي بعد ما تزوجت ضلو حوالي سنة ما يسألو عني ولا حتى باركولي لما خلفت... وأنا أصلا كنت متوقعة هاد الإشي وما إستغربت!!! بس قبل جمعتين رجعت علقت معهن ... ورجع أبوي يطاردني وبدو أخدمو وبدو مصاري وبدو وبدو وبدو... وأمي أنجق أسمع صوتهاا... الإشي بالأول كان عادة بالنسبة لزوجي وكان حتى يساعد أبوي لما يطلب منا إشي... بس إسا زوجي صار يتضايق كتير وصار خايف علي وعلى إبني !!! وأنا بصراحة خايفة زوجي ينزعج لدرجة كبيرة وما بعرف من بعدها شو بساوي!!! أنا كيف أبعدهن عنا يا ربي! عم بحس إنهم ما بدهن إياني أكون مبسوطة ! شو أعمل كيف أتصرف؟ ساعدوني منشان الله اذا هيك ضلينا يمكن تخرب حياتي الزوجية أنا عندي طفل شو أعمل يا ربي....

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net