شابة: قل لي من تعاشر أقول لك من أنت والسمعة السيئة تطاردني

أبرز ما جاء في الرسالة:

أنا صبية ماشية عالطريق الصحيح وأهلي مربييني أحسن ترباي

المشكلة وأنا بالمدرسة كان في عندي صديقة اللي أنا كنت مفكرتها كتير منيحة ومرباي.. وبقينا أصحاب حوالي الـ 3 سنين

بلش يطلع على البنت هاي سمعة وخراريف ما بتتصدقش!!! أنا دايما كنت أكذب العالم وأقول أنو ما في من الحكي! حتى صارحتها واعترفتلي

في متل بيقول: "قل لي من تعاشر أقول لك من أنت" وأنا هيك عم بصيبني إسا السمعات العاطلة والشائعات عم بتكون ضدي أنا مع اني من زمان تركتها وما حكينا !!

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

مرحبا لكل المعقبين .. قررت حديثا ان أنشر مشكلتي وأتمنى أن تساعدوني! أنا صبية وعمري 19 سنة .. أنا صبية ماشية عالطريق الصحيح وأهلي مربييني أحسن ترباي.. المشكلة وأنا بالمدرسة كان في عندي صديقة اللي أنا كنت مفكرتها كتير منيحة ومرباي.. وبقينا أصحاب حوالي الـ 3 سنين... فجأة بلش يطلع على البنت هاي سمعة وخراريف ما بتتصدقش!!! أنا دايما كنت أكذب العالم.. وأقول أنو ما في من الحكي! لتنو مرة صارحتها وسألتها عن كل هاد إذا كان شائعات ولا كيف؟ لأنو بحقلي أعرف! قامت هيي وبكل صراحة قالتلي أنو كل هالحكي كان صح وإنها غلطت كتير بحياتها وما كانت مرباي بتصرفاتها! 

تصوير: Thinkstock

أنا الصراحة هاد كان اكتر خبر صدمني بحياتي! وما توقعتش بحياتي أنو أسمع منها الحكي واللي بصدم أكتر إنها هي إعترفت يعني!!! شو هلهبل؟ في هيك إشي أصلا؟؟؟ ضليت أفكر بالموضوع كتير ولما حكيت لأهلي! إنجنو وما عادو يهدو وبهدلوني وحبسوني ومنعوني أشوفها حتى! وأنا مش ضد أهلي!ّ إحنا عيلة كتير مرباي ومتحفظين! المهم إنو في متل بيقول: "قل لي من تعاشر أقول لك من أنت" وأنا هيك عم بصيبني إسا .. السمعات العاظلة والشائعات عم بتكون ضدي أنا مع اني من زمان تركتها وما حكينا !! يا رب !! شو أعمل شو ليش هيك شو ذنبي انا ؟ ساعدوني وحياة اغلى اشي عندكو!


يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net