عيد الام - بقلم: داهش مشلب
الام بهالدني الكنز البريق كل العطر والورد عليها بليق
تكريم الام فرض لكل انسان وغضبها بالقلب مثل الحريق
قلب الام كلو حب وايمان قلب حنون وشعوره رقيق
الام كاس من الفرح مليان وردة حب دفياني وسط الابريق
الام والاب حبهن للرحمن مثل حب الصديقة للصديق
ويلي فقد امو طلع خسران مخدة حياتو والحب العميق
ويلي عندو ام رابح وكسبان لانها الاساس لقول الحقيق
الام وردة حلو بلبستان كلو بيتمنا الها يكون رفيق
لان الام هي العدل والميزان بتعدل بحكمها لاخر الطريق
الام شجرة مع احلى اغصان بتستنا ولادها الاوراق بتشويق
تتشوفهن وتغمرهن بالحنان ويصيروا كبار تيكونوا فريق
فريق كلو ورد حلو فرحان مثل الام لانها دوا لوقت الضيق
الام بيضل جفنها سهران تيصور الابن باحلاموا غميق
عند الام ظلم ما كان لانها بتحبنا مثل حب النحلة الرحيق
ولكل ام واب في ابو سنان الاولاد مهما عملوا لازم نطيق
لانهم زغار وبعدهن صيصان تيكبروا رح يصيروا مناح
وبدهن كل الزمن العريق
لإرسال مواد أدبية وشعرية وخواطر وصور عائلية لمناسباتكم وأفراحكم وصورعجائب الرجاء تحويلها إلى البريد الالكتروني التالي، وهو البريد الخاص بالمنتدى:
montada@alarab.co.il