أم لطفل: بدأت أكره الحياة بسبب ابني المعاق ومعاملة زوجي لي

أبرز ما جاء في الرسالة:

الله رزقنا بطفل معاق اليوم صار عمره 5 سنين وانا كتير تعبانة من الاشي وصرت احس انه زوجي بدل ما يدعمني عم بهملني وكأنه الطفل ابني لحالي وهو مش مسؤول عنه

وصلت الى موقع العرب رسالة من شابة تطلب إرشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا زوار موقع العرب، أنا أم من بلاد الله الواسعة، متابعة للموقع ولزاوية مجمتع، حابي كتير اني أشاركوا بمشكلتي عشان تعطوني حلول، لاني تعبت كتير من كل الحياة.

أنا تزوجت قبل 6 سنين من رجل تعرفت عليه في الجامعة، حبينا بعض وبعد فترة ارتبطنا وتزوجنا، وبعد سنة الله رزقنا بطفل معاق، اليوم صار عمره 5 سنين، وانا كتير تعبانة من الاشي، وصرت احس انه زوجي بدل ما يدعمني عم بهملني وكأنه الطفل ابني لحالي وهو مش مسؤول عنه.
كل الوقت انا بالبيت مع ابني المريض لا بروح ولا باجي ولابشوف الناس ولا الدنيا.. تعبت كتير وبدأت اكره الحياة..
يا ريت تقولولي شو أعمل.. انا بعرف انه هاد قضاء وقدر بس والله تعبت.. وشكرا..