استمر بالمسير.. بقلم: معتز الزعبي
حياه جديده
بيوم من الايام لما كنت عم بمشي على شط البحر,مكسور والدنيا سودا بوجهي..اليوم فشلت..خسرت اللي بحبها..راحت..........
قعدت على صخره صغيره وصرت راقب البحر..قدي كبير,صامت,ما بيحكي,وقدي بيحمل اسرار...وانا عم بتطلع لفتلي نظري صبي صغير..عم بلعب بالرمل..عم يجمع الرمل ويعمل قصر...فرحتو كانت كبيره..شفتو قديش كان مبسوط...وتزكرت وانا صغير شو كنت العب وانبسط...
وبينما كنت عم راقب فرحة الولد...اجت موجه كبيره..طلعت عالشط وخربت القصر...صار الولد يبكي ويصرخ ودموعو تنزل عخدودو...وركضت امو وصارت تراضيه وتقلو:- بكرا بترجع بتعمر قصر تاني احلى من الاول وغمرتو ومسحتلو دموعو,للحظه حسيت دموعي رح تنزل...حتى الصغار بيزعلو ازا خسرو اللي بحبوه....قصري انا اليوم تهدم مين المفروض كان ييجي يقلي ما تزعل..بكرا بتعمر غيرو...ما حدا.....لازم كل واحد منا يكون عندو قوي يرجع يوقف وينسى الزعل ويخلق حياة جديده..........يخلق حب جديـــــــــــــــــد