كان زلمه
كنت سيدي وكنت تاجي
كنت احكيلك عكل حاجي
فكرتك لرضاي راجي
طلعت تلعب فيي يا قاسي
انت فكرتني طرطورة
وياما حكتلي يا شطورة
انت بقلبي يا هرهوره
بس انا نمرة دير العشاق
انت اللي ظلمت وانت اللي خنت
ومن سم حبك ياما شربت
اخريتي وهياني فهمت
شو معنى تحب وانت اعمى
راجع تحكي هيه يا حبي
بعد ما خنت وظلمت قلبي
اسقيني من حبك حبي
اشتقتلك انا هيه يا سمرة
ارجع وين ارجع يا ليل؟
تعبت بكيبت وانهد الحيل
على همي الدنيا فارت حيل
وحكتلي عليهم يا نمرة
انا رح اخرسلك انفاسك
عقرب رح كون بين احضانك
واحسب نصري بأذلالك
يا قاسي ما بعمرك حبيت
لرميلك حيه يا ثعبان
تلعب وتزتك بردان
انا عندي صبايا يا خيبان
بمشوا وراي بأشارة
انا لف الدير ولف بلاد
مميزة وطبعي جلاد
نجمة انا من الميلاد
ضوايه عطريق الاحباب
نيزك لعيونك انا رح كون
نار وولعه بتحرق لعيون
كرامتك هدفي بضرب بجنون
معلمه انا برمي لرماح
شوف سيوفي بتضرب حدين
بروحك طعنه وعلخدين
يا حلو كان حبك علعين
وهيو صفى حبك نار
اسمع مني وخد هلعبرة
انا خطرت فبالي فكرة
ريحني وروح شفلك سكرة
من سم حية جولان جدرة
مو بس انا لا انت كمان بتتريح
بتموت وما رح تتوجع ولا حتى بدمك تتلحلح
ولعيونك ببحش اساسك ونشالله بتختك تتريح
رووح ,ما بدي وسخ حالي فيك انت والله ما بتستاهل