الِقلوب أصابتها الغشاوِة/ بقلم: اسماء طنوس

ما عاد في صبِر والكل فقد الِاعصاب
وما عاد حدا يتحمّل كلمِه من غيـرُه
بكلمِة غضب راح تِشـعِلِ الألبــاب
كُلٌّ عَقلبُه غَشاوِه وبيقسّــي ضمـيـرُه
بيِتقاتلــوا مع بعض لِأتفَـهِ الأسبـاب
هذا الكُرُه ما لُه بـأيّ كتـاب تفسـيــرُه
المحبِّــه روح الله ما فيـها اكتـئاب
ما بتـرضى لغــيرَك تِعمل لِتَحـقيــرُه
حرام تْقَتِّلوا أرواح لِأطفال وشباب
وإنسان مالُـه ذنْـب يكون بِيَدَّك مَصيرُه
ياللّي بِعيد غن ربُّه حياتُــه خراب
مـاشي بضـلالُــه وتايِـِه عن مـسـيــرُه
واللي بيريد الخير ما بيِقبل عِتاب
بشراره من الغضـب بِتشـعِّلِ النـيران
وما فيك تِطفي نار شعلانِه لِتدميرُه
 

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net