انا فاشل في إرضاء النساء

وصلت الى موقع العرب، هذه الرسالة من شاب يطلب نصيحة زوار موقع العرب من خلال طرح مشكلتها.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية، وبدوره يتوجه موقع العرب لزواره الاحباء بارسال تعقيبات جادة وملتزمة دون تجريح ومع الشكر.

يا جماعة الخير انا شب قطعت سن المراهقة مشكلتي اني بتحسس بسرعة وصار عندي عقدة من البنات مثلا بكون عبتفرج مع اهلي على التلفزيون بيطلع مشهد من مسلسل ان رجل عبيخون زوجته بسمع من اختي بتقول هيك كل الزلم بدهم حرق او لما اعمل عمل يزعل امي اذا طلع صوتي في البيت بسمع من امي بتقول انت متل بيك عاطل ولما اقرا في مواقع الانترنت بيصادفني مقالات كلها سب في الرجل اللي فحواها ان الرجال خاينين وان ما بيستحقو انهم يعيشو وان الرجل بيصون زوجتو لما يكون غير قادر على انه يخونها وكلهم بيحكو عن الاغلبية الساحقة من الشباب تقول عملولنا احصاء الخاين يوقف على اليمين والمخلص يوقف على الشمال انا يا اخواني فقدت الثقة في نفسي اني ممكن اقدر ارتبط لاني صرت حس اني تهمة على شكل بني ادم واني خاين وغدار وان زوجتي راح تفكر فيي كل الصفات اذا ما اثبتت العكس يعني متهم حتى تتم برائتي ومش بريء حتى تتم ادانتي شو بدي اعمل يا جماعة حاسس نفسي فاشل في ارضاء الفتاة اللي ممكن اخذها حتى قبل ما اعرفها بسس الاشيء اللي ذكرتها وصرت حس النساء عدوانيات وصرت مقرر اني اذا نويت اني اتزوج حتى عمر الثلاثين وانا بالحاضر بعدني ما صرت 23 سنة عنجد مش قادر اتحرر من هاي الافكار شو اعمل