صُرتي القَصايِد كُلْها!!

لَمَّن بِشِـعري بَديـتــي

تِبرِزي

صورَه حِلوِه

بالقصيدِه تِحجِزي...

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

أبْيات بِتسَيطِر عا

مَشاعِري ...

تِعجِنيها وْتِخبِزي

عا كيفِك في شِعري

تِتْحَكَّمي ...

تكتبي... وِتْحَزِّزي...

قلبي مَلكتي ليش

عَمْ  تِتْبَرجَزي؟!

تِتْجَبَّري... تِتْكبَّري...

وِتْبَوِّزي ...

ليش مِنِّي صايْري

تتنَقوَزي؟!

اسمَعيني... روقي...

لا تْنَرفِزي ...

ما حِسْ إلَّا إيدي

عَمْ تِكْتِبِك

فـي حُروف اللهْفِـه

شـو تِرسِمِك

وِفْ كِلْمات المَحَبِّه

توصِفك

أميرِه في المُعَنَّى*

زهرَه تْوَرِّقي ...

بَلكي مِـنْ بين القَصايِد

تُزْرُقــي ...

مِ القَوافـي لَـ عُيونـي

تُمْـرُقـي

تِتْغَلْغَلي في عالمي

وْشو تِـبرِقـي ...

صُرتي القصيدِه فيها

بِتْرَوْنِقي ...

بْحورْهـا بِتْـدوزِنــي

وْتِـتْـفَنَّنـي

وْتِتغنِّي في شَطْراتْها

وِتلَحِّـنـي

عُشَّــاق ديوان العرب

بِـتحَنِّـنـي

للشِّعِر، ... تِفعيلِه كـايِن

يـا نَثِر ...

يــا عَـمـودي مْنَسَّق

عا بَحِر ...

وِالمُعجِزِه ...

هَالقَصيدِه تْجَهِّزي

عا جُنوني فيكي

بِتْرَكِّزي ...

إنتي فيهـــا مُـدهِـشِــه

وِمْـعَزَّزِه ...

بِتْموج في أقمارِك

خَرَزِه!!

والشِّعِر مِن دونِك

لا مْآخَزِه ...

صَفْ حَكي كِلْماتُه

مِشْ مِحرِزِه...

انتي الشِّعِر هَالصُّور

بِتْفَزِّزي...

بعد ما كانت بلاكي

مْقَلْوَزِه...!!

* المُعَنَّى: نوع من أنواع الشِّعر العامي.