زجل الحربُ دمار

الشّعب اللّي بيحِبّ حروب --- شو جابت غير الدّمار

وهَدَّمَـــت كُــــلّ الِبْـــيوت--- وما خَلَّـت منــها آثــار

                _____________

الحرِب ما بتِعمـل ســلام--- ولا بتِرفع فيها البُنــيان

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

بتبـــقى عالأرِض ظـلام--- تَيِعبَــث فيها الشّـيطــان

وبِتصيــر البــلد حُطــام--- بِلا نـــاس ولا جُـــدران

وراح تِهدِم كُلّ الأحـلام--- وما بيِجنوا منها الأثمـار

             ______________

والطِّفلِ ال شافا مَرعوب---والخوفِ عَشَّــش فِيّـــو

وقُدّامُه صُـوَر الِحْــروب---عنها عَم يِســأل بَــيّـــو

ليش الدِّنيـي بالمَــقلــوب--- كُل شي بيِتفاجَـأ مِنّـــو

ولا منظر بيــسُرّ قلـوب--- وعَم يِسمع أسْوَأ أخبـار

            ______________ 

والنّاس بِتعاني منِ الجوع--- ما في طـعام ولا مَي

وما في دوا للمـــوجــوع--- ولا طبـيب بأيَّ حَــيْ

وِالطِّفِل بـخوفُه مَصروع--- لا عادلُـه أُم ولا بَــيْ

قالوا السِّلْمِ مالُـه رجــوع--- تَنّا نحَقِّــق الِانتصــار

             _____________

المَصاري راحَت للسلاح--- اشتروا آلاتِ الحربِ

وِالسُّـيــوفِ وِالـــرِّمــاح --- بَــدَل آلاتِ الـطَّــرَبِ

قَـتّـــلوا فــيــها الأرواح--- وتاهوا عن دينِ الرَّبِّ

قلوب القاسيه ما بتِرتاح--- فيها الفِكْرِمنِ الأشرار