انتظره رغم صعوبة ظروفه المادية

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.. السلام عليكم ورحمه الله .. راح احكيلكو مشكلتي الا مش قادره اتغلب عليها ومش ملاقي حل!!؟؟ انا صبيه عمري 20 سنه الحمدالله من عائله مليحه ومعروفه بلبلد مرتبطه بشخص اكبر مني بسنه الحمدالله علاقتنا كثير منيحه مع بعضنا واهلو بعرفو بعلاقتنا والحمدالله ناوي يجي يتقدملي بس المشكله انو دايما بحكيلي عندو ظروف وبلوقت الحالي ما بيقدر يجي ما تحكولو ما بحبك ولو بحبك بيجي هو بحني وانا واثقه من حبو ومتاكده وعارفه ظروفو بس المشكله اهلي!! انا مش راضي عهيك وضع وحابي يكون اشي رسمي بينا حاسه حالي بعمل اشي غلط وبغضب ربي كل مره بقول بدي احكيلو وبتراجع ... انا كثير بتقدمولي واهلي بضغطو علي اقبل اقسم بالله بس عشانو برفض وراح ابقى عوعدي الو بس انا كثير بيهمني رضا اهلي وبنفس الوقت ما بدي اظلم حبيبي ويعتبرني مش قد الكلام ما بدي اتركو يتعذب لانو بصراحه حبني من كل قلبي وبهمو كثير زعلي هو كل اشي بحياتي بس انا صراحه مش مستحمله هيك وضع ودايما التفكير شاغلني لانو انا ما بدي اكون تعيسه بحياتي بدي انبسط وابني سعادتي بايدي .. بتمنى تساعدوني وتنصحوني لو سمحتو بلا استهزاء وسخريه كل انسان متاكده من الممكن انو يكون بهاي الموقف فكرو واحكمو وانا كثير بكون ممنونتكو وشاكرتكو من كل قلبي وبتمنالكو احلى حياه .. وبدي اشكر موقع كل العرب الا دايما ب الطليعه دمتم ذخرا للعرب اجمعين موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.