لَيلة عرسك بقلم:نوال جورج شاعر عبر العرب

غَنَيْنا أحْلَى مْواويلْ وكَتَبْنا أحْلَى ألْحانْ لَما شُفْناكي طَلَيْتيْ بهَالْسَهْرَه بأحْلَى فُسْتانْ اللَيْلِة هَيْ لَيْلِةْ عيدِكْ الله مِنْ عِنْدو يزيدِكْ جَمالْ ورِقَه وحَنانْ وفَرَحْ عَ طولْ الْزَمانْ كِلُنْ مِنْ قَلْبُهُنْ بِدْعولِكْ وبتْمَنولِكْ وبيقولِكْ تْعيشيْ هَالْعُمْرْ الْجايِ بأحْلامْ وفَرْحَه مضُوايِه إِنْتِيْ وشريكْ الْحَياةْ الليْ قَلْبِكْ هو تْمَناهْ تَيْكونْ رْفيقْ بهَالْدَرْبْ وتِمْشوا الْمِشْوارْ الْصَعْبْ إيدْ بإيدْ وخُطْوِة بْخُطْوِة تَتْعيشوا بخيرْ وسَلامْ وتِتْحَقَقْ كُلْ الأحْلامْ والله ما راحْ ينْساكُم هوِ اللْي بتْوَلاكُمْ بكُلْ رِعايه وإهْتِمامْ مَدَى شْهورْ طوالْ وأعْوامْ وإنْ شاءَ الله تِتْكَلَلْ هَالْفَرْحَه بأحْلَى هْدِية وأحْلَى فَرْحَه الأطْفالْ زينِةْ هَالْكَوْنْ بيْحَلوْ الْبيتْ زينِه ولَوْنْ وشْموعْ حِلْوِه مْضُوايه بتْمَليْ الْبيتْ بأنْوارا وضِحْكِةْ وعْياطْ زْغارا تَيْضَلْ يفْرَحْ هَالْبَيْتْ أمَلْ ومَحَبة ودَفَا وأحْلَى مَشاعِرْ الْوَفَا يارَيْتْ تيجْيْ يا رَيْتْ

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان:alarab@alarab.co.il