فتاة: بعد حب سنتين يكافئني بخيانته لي مع أعز صديقاتي

أبرز ما جاء في الرسالة:

بصراحة انا كتير بحبو ومش عارفي اذا ارجعلو او لا لانو بعد ما امنتلو خانني مع اقرب صديقة الي

صاحبتي كتير كانت قريبة مني وكنت احكيلها كل اشي بصير معي وما اخبي عنها لا كبيرة ولا صغيرة امنتلها وفوتها على بيتنا وكنت اعتبرها متل اختي

document.BridIframeBurst=true;

مرات بقول لحالي يمكن هي الي خلتو يخوني ومرات بقول الي بخون مرة ما بتأمنلو بس انا كتير بحبو ساعدوني لاني كتير تعباني وعنجد محتارة شو اعمل

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا موقع العرب انا صبية عمري 19 سنة، كتير تعباني من الي عم بصير معي، وزهقانة الدنيا والناس الي فيها، وكتير مشوشة ومش عارفي شو اعمل.لما كنت بصف عاشر تعرفت على شاب من صف 12، من نفس مدرستي، بس مكنتش اقعد معو بالمدرسة عشان سمعتي، وكنا لما نشوف بعض اخذ صاحبتي معي ونروح على محل عام نقعد احنا التلاتة . صاحبتي كتير كانت قريبة مني وكنت احكيلها كل اشي بصير معي وما اخبي عنها لا كبيرة ولا صغيرة، امنتلها وفوتها على بيتنا وكنت اعتبرها متل اختي. 

صورة توضيحية

بعد سنتين من علاقتنا بالصدفة كنت مارقة من حد كافي شوب وشفتهن قاعدين مع بعض، وبلشت احش انو في اشي عم بصير بينهن. لما اجت عندي اخذت تلفونها من غير ما تحس عليي وشفت انو  عم بحكو مع بعض دايما وانو بحبو بعض. قطعت علاقتي فيهن حتى من غير ما اواجه صاحبتي. وقبل شهرين رجع يتأسفلي ويطلب مني انو علاقتنا ترجع. وبصراحة انا كتير بحبو ومش عارفي اذا ارجعلو او لا لانو بعد ما امنتلو خانني مع اقرب صديقة الي. مرات بقول لحالي يمكن هي الي خلتو يخوني ومرات بقول الي بخون مرة ما بتأمنلو. بس انا كتير بحبو. ساعدوني لاني كتير تعباني وعنجد محتارة شو اعمل.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net