ثروة الإنسان/ بقلم: أسماء طنوس

من عَرَقَك تاكُل خُبزَك _______ هيـك اللهِ بـيوَصّيك

لَوْ رايِدِ تكون كســلان _______اللُّقمِه تاكُلها ما فيـك

_______________________________

الشُّغُل بيخلّيك شبعــان _______بتشكر ربَّك عالنِّعمِه

ما بتحتاج أيَّ إنســـان _______ولا بتُطلب مِنّواللُّقمِه

بتعيش مِتهنّي وفرحان_______ بتُشعر للحياه طَعمِـه

أُنفُض حالَك يا كسلان_______الرّخاوِه ما بِتْطَعميـك

_______________________________

ما بتِتعمَّــرِ الأوطــان_______ بِلا سَعْيِ وتضحيــات

انتَ راح تبقى جوعان______لَوْ ما حَصّلتِ الرِّزقـات

وعنَّك ما إنتَ سـألان ______كيف تطلع منِ الضّيقات

مْخَدَّر بالكسل يأسان ______ وبالآخِــر رايـح يِـبـليـك

________________________________

ربَّـك في ستَّـة أيّــام ______ خَلَق الكون أحسن تِكوين

وِاستراحَ في الخِتـام ______ رُحْ اقـرا سِفْــرَ التّكــوين

الثّروِه بتيجي بالقيام_______بصَلى وللشُّغـــلِ ساعيـن

لَوْ تبقى نايم حـرام _______قاعــد مِثْــلِ المشــلوليــن

________________________________

ثرِوْتَـــكِ الكريــمِه _______ بالنّشــاطِ وبالتّحصيــل

وحيــاتَك السّليــمِه _______ بالعــمل لا بالتّعـــطــيل

الكرامِه بتِرفع قيمِه_______ والشّــرَف أكبــر دليــل

بالأفكــارِ القويمِــه _______ بِتلاقي يااللّي بيِرضيك

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net