زجل الصّمتُ افضل منَ الكلام بقلم:اسماء طنوس المكر

 

صَمتَك في بعضِ الأحيان__ أوْفَرلَـك مِنِ الـكـلام

بِتـجـاوِب من دونِ لسـان__ بِتحِس براحه وسلام

___________________________

document.BridIframeBurst=true;

var _bos = _bos||[]; _bos.push({ "p": "Brid_26338945", "obj": {"id":"19338","width":"100%","height":"320"} });

ما تجازي عن شَر بشَر__ لا الشّـرارَه تِقلِب نـار

إن بتجازي راح تِنضَرّ__ وِبْيوقَع بينكو الخصام

___________________________

بِالصمتِ بَلسَم الِقلوب __ راح بيطـفّـيلَـك النّـار

لا تِعلَق مع المَضروب__ بتوقع في هُوِّه وظـلام

___________________________

إبقَ الغالب لا المغلوب__ فيكَ الصبرُ والإيـمان

لَوْ شَنّوا عليك حروب __ بتلقى نَصرَك بِالخِتام

___________________________

بِالهَـدى قلبَك بيـروق __ مِثلِ النسـمِـه اللطيـفِـه

بتُنبُض بقلبَك الِعروق__ بتِخلَص مِنّو يا ســلام

___________________________

عِندَك هِـمِّه ما بتِنهَـدَ __ وعن إيمانَك ما بتِـرتَـدّ

صَمتَك إيمـان بيِنـعَدّ __ وثِقَه بتحـقيـقِ الأحـلام

___________________________

يا قلـبي إنتَ الثّميـن __ عنـدَك قيـمِه ما بتِهـتَـزّ

وعِندَك رَبَّك الأمين __ بيِعـرِف قلـبَك بالتّـمـام