وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

سلااام للجميع .. في البداية كل عام وانتو الف خير وان شاء الله ينعاد عالجميع بالصحة والعافية يا رب , انا بنت عمري ١٩ سنة الحمد لله ربي انعم علي بالهداية والجمال وما ناقصني شي والاهم بعثلي شب يحبني ويحترمني وهاي من احلا نعمه سبحانه وتعالى  مشكلتي هي من شهرين تقريبا انقطعت اخبار حبيبي عني اللي كنا دايما على اتصال واقل شي نسمع اخبار بعض واللي بكفيني يبعثلي  مسج فارغ بحسها احلى من اغلى هدية في الفترة الاخيرة موبايلو تعطل وما عاد في وسيلة اتصال بيننا ولليوم ما بعرف عنو شي ولا كيف هو مبسوط والا شو بس انا متاكدة انو تعبان ومشغول بالو لانو ما بحاكيني ومتاكدة كمان من حبو وعلاقتنا جدية كتييير حتى انو اهلنا بعرفو انو رايدين بعض والحمد لله اهلي واهلو ملتزمين .. وانا مش عارفة شو اعمل من ناحية ما فيي اسأل عنو علنا ولا حتى اتصل على بيتهن وما في مجال اسال اي حدا من عيلتو وانا كتيييييير تعبانة وبالي مشغوول وكمان شوي بادية تعليم مش عارفة كيف بدي اركز يعني التنين متغلبين بهالعلاقة ما فينا نتقرب لانو الوقت مش مناسب اسا للخطبة او اي شي تاني وبرضو ما بنستغني عن بعض على كل الاحوال حياتنا عذاب وشكلها الحالة مطولة هيك ..  اذا في حدا عندو اي نصيحة يحكي انا بحاجة اسمع رايكو بكل شي حكيتو وشكرا !!

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il