أبرز ما جاء في الرسالة:

انا شاب عمري 18 سنة انا كنت عايش احلى عيشة مع امي وابوي وعندي اختان اكبر مني

بعد ما توفت امي الله يرحمها من اربعة سنين كان ابوي يحاول يهتم فينا ويحبنا ويحاول ما يحسسنا بغياب امي ولا ينقص علينا اشي

 من سنة قرر أبوي يتزوج مرة تانية طبعا القرار ما كان سهل علي ولا على خياتي بالبداية  مزبوط هذا اشي طبيعي يصير بس طبعا عند الاولاد بوخد وقت تا نتقبل الفكرة

انا ما بحب اظلم احد ورب العالمين شاهد على كلامي يا اخواني انا حاسس انه مرت أبوي عم تستغل ظروفنا المادية المليحة يعني احنا الحمدالله رب العالمين منعم علينا وموفرلنا كل اشي

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

مرحبا انا شاب عمري 18 سنة انا كنت عايش احلى عيشة مع امي وابوي وعندي اختان اكبر مني بعد ما توفت امي الله يرحمها من اربعة سنين كان ابوي يحاول يهتم فينا ويحبنا ويحاول ما يحسسنا بغياب امي ولا ينقص علينا اشي الله يخليلنا اياه. من سنة قرر أبوي يتزوج مرة تانية طبعا القرار ما كان سهل علي ولا على خياتي بالبداية.. انه انا بحكي معكو كشاب! مزبوط هذا اشي طبيعي يصير بس طبعا عند الاولاد بوخد وقت تا نتقبل الفكرة... احنا ما وقفنا بوجه أبوي بالعكس يعني ما سسنا انو بظلمنا ! اساسا اذا احنا رفضنا كنا راح نظلمه. لهيك حاولنا نتقبل الفكرة وبمشيئة رب العالمين ابوي تزوج.

المهم يا اخواني انا ما بحب اظلم احد ورب العالمين شاهد على كلامي، يا اخواني انا حاسس انه مرت أبوي عم تستغل ظروفنا المادية المليحة، يعني احنا الحمدالله رب العالمين منعم علينا وموفرلنا كل اشي وبزيادة، واحنا جماعة كمان منحب نساعد ما بحب احكي.. بس خايف أبوي يكون "معمي على قلبه" ومش شايف انه مرتو عم تستغلو يعني انا شفتلها اكم موقف الي وقفلي شعر راسي، مثلا هداك اليوم بتحكي مع اختها بتقولها "انا خيتا ما اشي ناقصني غير وجه حلو" شو يعني قصدها؟

"طش بمصرياتك"
هي مرت أبوي عارفة انه انا فاهملها، بس في اشي مش مزبوط يعني أنا خايف أحكي لأبوي أقوم أخرب الزيجة وأعمل اشي مش مليح وأطلع فاهم الموضوع غلط بس هات أنقللكم كمان موقف عشان تساعوني .. في بمرة كنت قاعد أصلي على روح الوالدة قال شو بتقولي "الله يرحمها بس لوينتا بدك تظل تصليلها خلص انبسط روح طش بمصرياتك" .. أنا قلت هالمرا انجنت.. بس مشيتلها اياها! منشان الله كيف أتصرف.. يعني خايف لأخرب اشي..

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net