للإنضمام الى مجموعة الأخبار >> whatsapp.com/channel/0029VaPmmw0FMqrR6DDyOv0E تلجرام t.me/alarabemergency

بْروحي الشِّعِر
عَمْ يِعمَل عْمالو
يِحْمِلْني عَ جْناح الهَوا
ريشِة حَرير
يوخِذْني عَ حْدود الغَوَى
تا غازِل هْلالو
خَلَّاني عا طول النَّوَى
غِنْوِةْ عَبير
غلطان إللي حاطِت
فْ بالو
إنُّو الشِّعِر فَلْ في حالو
خِتْيار صايِر ...
راحَت جْيالو ...
قّديم واصِل حِفِّة التَّعْتير!!
الشِّعْر شُفْتو بَعدو
بْرَوْنَقو
مِعتَز في حالو ...
وْبِاللي زَوَّقو
يا جَدَّد حْوالو ...
إليوت* عَ الأرْض
راح يِظْهَر كِثير!!..

*إليوت: الشاعر توماس ستيرنز إليوت، المعروف أكثر ب: "تي إس إليوت" (1888_ 1965)، يُعتبر من أبرز مجدّدي الشِّعر في العالم. تأثَّرت في شعره الثَّقافة الشعريَّة العربيَّة الحديثة كثيرًا.
*الصورة للشاعر تي إس إليوت.