للإنضمام الى مجموعة الأخبار >> whatsapp.com/channel/0029VaPmmw0FMqrR6DDyOv0E تلجرام t.me/alarabemergency

العَقِل مَشاغْلُه كْثيرِه ---- بَـدّو الراحَـه يْـلاقـيـها 

بَـدَّك شْـوَيِّة هُــدوء  ---- تَـالأعصـابِ تْـهـَدّيـها

إرمِ عنَّـكِ الأَحــمـال ----  حُـط اتعـابَـك عَـرَبَّك

بْتِهِلـكَْـك كُثْر الأثقـال----  صَعبِه تِحمِلها بدَربَك

فوقِ الطّاقَه مْنِ المُحال----تِمشي وِالحِمْلِ يْتَعْبَك

دَوِّر عَــراحِـةِ الـبـال ----بِتـلاقي الرّاحَـه فيـهـا

وِنَفسَك تَتكون سليمِه ---- لا تِـهلِـكـها بِالأفـكـار

في مَشــاكل عَقيـمِـه ---- لا تِتْعَصَّب لا تِـحـتار

بِالرّاحَـه وِالعَـزيمِـه ----  بِتلاقي الصَّعْبِ طـار

خَلِّ روحَـك حليـمِه ---- الضُّغــوط لا تْــعَلّـيـها

وِالرّاحه فيها العِلاج---- ما بتِحرِقلَك أعصـابَك

بِالتَّعـب بَدَّك مَسـاج ---- تَتـْلَيِّـن يَـاللّي صابَــك

وِالصِّحَّه عَالرّاسِ تاج---- فيها بِتزول أتـعـابَك

لا تْخَلِّ صِحتَك تِحتاج---- ما في دوا بـيِشـفيـها