الأخبار العاجلة
لا اقبل بان يكشف علي طبيب نسائي
وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..
الرسالة هي التالية:
سلام عليكم...انا امراءه متزوجه عمري 29 سنه عايشه في دوله اوروبيه,حمد لله مبسوطا و مستورين و لو ربنا ينعمنا بطفل بكون اكمل علينا بنعمتو و رحمتو,انا ما عندي ولاد صار سنتين و نحنا عم نحلم بهل اليوم بس...صارلنا 4 سنين متزوجين ,و رحت لعند كذا دكتوره نسائيه,بس على حسب كلامها كلشي تمام,انا غيرة الدكتورا لانو حبيت اسمع رأي غيرها,بس كمان نفس النيجه,من كم شهر سمعت من وحده عربيه عن عياده فيها اخصائيين و بتعرف الي راحت لعندون حمد لله صار عندها 3 ولاد,فكرة كتير انو اروح بس كنت اخاف ما بعرف ليش,هيك احساس بس,المهم من يومين رحت مشان اخود موعد,و قراءة انو من ضمن هل 4 دكاترا في وحده ست)دكتورة(,بس لما قلت بدي موعد عندها قالت انو من فتره ما تشتغل هون ,المشكله انو انا بعمري ما رحت لعند دكتور نسائي و طلع موعدي عند واحد عربي,يعني على هل صدفه مكان الدكتورا الى تركت اجا واحد عربي,انا مالي عارفانه شو ساوي من ناحيه انا ضد اروح عند دكتور و جوزي ما بدو بنوب,بس هل عياده الوحيده بمدينتا اخصائي نسائيه يلي عندو مشكله متلي,حاولت اقنع جوزي,رفض,طيب شو اعمل وين اروح بحالي و الله احترت كتير,و الله كل ما بشوف ولاد قلبي بتقطع ميت شئفه و بضل ابكي و قول عجب بيجي اليوم شيل ابني او بنتي و صير ام؟؟؟لو سمحتو عطوني نصيحا كيف اقنعو لجوزي لانو عنيد كتير و الله لو في مجال اروح لعند غيرهم بروح,بس مافي غيرون, شكرا كتير و الله لا يحرم حدا...
موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il
تابع كل العرب وإبق على حتلنة من كل جديد: مجموعة تلجرام >> t.me/alarabemergency للإنضمام الى مجموعة الأخبار عبر واتساب >> bit.ly/3AG8ibK تابع كل العرب عبر انستجرام >> t.me/alarabemergency