ابرز ما جاء في الرسالة :

عمري 19 سنه ومغرمة لابعد الحدود بخطيب شقيقتي الكبرى واتمنى ان اسلبها اياه

أختي ليست ملائمة له فهو يستحق من هي اجمل منها وبها صفات مميزة مثلي انا وانا مستعدة ان اخسرها وان اكسبه

لا ادري ما هي الطريقة التي استطيع ان اسرقه منها وان اجذبه لي ,,حاولت اغراءه ولكن هل هذا يكفي ؟ اريدة حتى الموت ولن انتظر حسابات من اي كان اهلي او اختي او الناس

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا موقع العرب انا صبية عمري 19 سنه وكمان شوي راح ابلش تعليم بالجامعة مشكلتي اني بموت بخطيب اختي وبلفتلي نظري كتير . اختي عمرها 22 سنة خطبت بعد قصة حب طويلة وتغلبت كتير لحتى غدرت انها توخدو بالاخر لانو اهلي واهلو ما كانو بدهنش بس بالاخر من كتر ما بيحبو بعض اتحدوا الكل وخطبو .
خطيبها كتير حلو وشخصية بس الصراحة انا بجن جنوني لما اشوفهن مع بعض وبالذات كيف هو بيعاملها وبيدللها قدام الناس . بحس انو بيقاهرني .

صورة توضيحية

انا بحسدها علي لاني انا لحد اسا ما لقيت الشاب الي يملي عني كلهن شبااب اليوم ما بيستاهلوا وشايفين حالهن مش عارفي على شو ؟.لهيك ما بدي اخطب ولا واحد من الي تقدمولي لاني ما لقيت واحد بيشبه خطيب اختي .
كل الصفات الحلوة في وهي بتموت علي وقرروا انهن يتزوجوا السنة الجاي ، انا كتير اوقات بحس انها مش لابقتلوا والصراحة انا بلبقلوا اكتر لاني احلى منها وهو كتير حلو.
بحاول الفتلو نظروا بكتير شغلات يعني لما بيكون هو عنا بالبيت بحاول البس احلى منها وبضل اتمرق من حدو لحتى ينتبهلي ودايما بحب اطلع معهن وبالاخر قررت اني اجذبوا لالي باي طريقة وانا مستعدة اني اقاتل اختي وما اخسروا هو لاني ميته علي.
بس خايفة اكسر قلبها لاختي ...برايكوا اذا هو اعجب في وتركها شو المشكلة ؟ بالاخر هو الي بيختار؟ وياترى بأي طريقة ممكن اخلي يتفربلي الي انا مش هي.؟ ساعدوني هل الي بعملوا صح او غلط انا بدي اياه باي طريقة ما هاممني حدا لو مين ما كان واختي في البداي راح تلاقيها صعبة انو يتركها بس اكيد راح تتعود على هادا الايشي ... ساعدوني كيف بدي اخدوا منها...راح اموت اذا ما بيكون الي ...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il